News October 17, 2024

‘హైడ్రా’పై సీఎం రేవంత్ రెడ్డి కీలక వ్యాఖ్యలు

image

TG: చెరువుల్లో అక్రమంగా నిర్మించుకున్న భవనాలనే హైడ్రా కూలుస్తోందని సీఎం రేవంత్ స్పష్టం చేశారు. మూసీ పరీవాహకంలో ఎవరి ఇళ్లను హైడ్రా కూల్చలేదన్నారు. కొందరు మెదడులో మూసీ మురికి కంటే ఎక్కువ విషం నింపుకొని దుష్ప్రచారం చేస్తున్నారని రేవంత్ ధ్వజమెత్తారు. తాము ఉన్నపళంగా, నిర్దయగా ఎవరినీ ఖాళీ చేయించడం లేదని, నిర్వాసితులకు డబుల్ బెడ్రూం ఇళ్లు కేటాయించి, రూ.25వేలు ఇచ్చామని వెల్లడించారు.

Similar News

News December 1, 2025

ఎప్పటికప్పుడు పరిస్థితిని తెలియజేయండి: గొట్టిపాటి

image

AP: ‘దిత్వా’ తుఫాను వేళ విద్యుత్ శాఖ అధికారులు అప్రమత్తంగా ఉండాలని మంత్రి గొట్టిపాటి రవి ఆదేశించారు. దక్షిణ కోస్తా, రాయలసీమ అధికారులతో టెలికాన్ఫరెన్స్ ద్వారా మాట్లాడారు. ‘క్షేత్రస్థాయిలో అందుబాటులో ఉండి ఎక్కడైనా విద్యుత్ సరఫరాకు అంతరాయం ఏర్పడితే వెంటనే పునరుద్ధరించాలి. గత అనుభవాల దృష్ట్యా ముందస్తు జాగ్రత్త చర్యలు చేపట్టాలి. పరిస్థితిని ఎప్పటికప్పుడు నాకు తెలియజేయండి’ అని మంత్రి తెలిపారు.

News December 1, 2025

నా పార్ట్‌నర్ హాఫ్ ఇండియన్: మస్క్

image

నిఖిల్ కామత్ ‘People by WTF’ పాడ్‌కాస్ట్ షోలో ప్రపంచ కుబేరుడు ఎలాన్ మస్క్ ఆసక్తికర విషయాలు వెల్లడించారు. తన భాగస్వామి శివోన్ జిలిస్ హాఫ్ ఇండియన్ అని చెప్పారు. తన సంతానంలో ఓ కుమారుడి పేరులో శేఖర్ అని ఉంటుందని, నోబెల్ గ్రహీత సుబ్రహ్మణ్య చంద్రశేఖర్ పేరు నుంచి దీనిని తీసుకున్నట్లు వెల్లడించారు. భారత్, US మధ్య సంబంధాలు ఇతర ఆసక్తికర అంశాలను ఆయన పంచుకున్నారు. పూర్తి వీడియో కోసం ఇక్కడ <>క్లిక్<<>> చేయండి.

News December 1, 2025

పెళ్లి పాత కాన్సెప్ట్‌.. ఎంజాయ్ చేయండి: జయా బచ్చన్

image

రాజ్యసభ ఎంపీ, నటి జయా బచ్చన్ వివాహం గురించి కీలక వ్యాఖ్యలు చేశారు. ప్రస్తుతం పెళ్లి అనేది పాత కాన్సెప్ట్‌గా అనిపిస్తోందని, తన మనవరాలు పెళ్లి చేసుకోవాలని తాను అనుకోవడం లేదని పేర్కొన్నారు. We The Women ఈవెంట్‌లో మాట్లాడారు.. “నేను ఇప్పుడు యువతకు సలహా చెప్పే వయసులో లేను. పిల్లలు చాలా స్మార్ట్. పెళ్లి ఢిల్లీ లడ్డూ లాంటిది.. తిన్నా, తినకపోయినా సమస్యే. కానీ జీవితాన్ని ఎంజాయ్ చేయండి” అని అన్నారు.