News December 29, 2024
వచ్చే నెల 20న దావోస్‌కు సీఎం రేవంత్
TG: సీఎం రేవంత్ వచ్చే నెల 20న దావోస్‌కు వెళ్లనున్నారు. అక్కడ జరిగే ప్రపంచ వార్షిక ఆర్థిక సదస్సులో ఆయన, ఐటీ మంత్రి దుద్దిళ్ల శ్రీధర్ బాబుతో కలిసి పాల్గొంటారు. రాష్ట్రానికి భారీ పెట్టుబడుల్ని తీసుకురావడమే ఈ పర్యటన లక్ష్యమని కాంగ్రెస్ వర్గాలు తెలిపాయి. విదేశీ పెట్టుబడుల్ని ఆకర్షించేందుకు సదస్సులో ప్రత్యేకంగా ‘తెలంగాణ పెవిలియన్’ను ఏర్పాటు చేయనున్నట్లు పేర్కొన్నాయి.
Similar News
News September 24, 2025
పూటకో మాట మాట్లాడి రాష్ట్రం పరువు తీస్తున్నారు: హరీశ్
TG: కృష్ణా జలాల వాటాలో CM రేవంత్, మంత్రి ఉత్తమ్ పూటకో మాట మాట్లాడి రాష్ట్రం పరువు తీస్తున్నారని మాజీ మంత్రి హరీశ్ రావు విమర్శించారు. వీళ్ల అజ్ఞానం వల్ల నీటి వాటాను కోల్పోయే పరిస్థితి వచ్చిందని ట్వీట్ చేశారు. 763 TMCలు ఇవ్వాలంటూ KCR గతంలో పట్టుబట్టారని గుర్తుచేశారు. CBNకు భయపడి బనకచర్లపై మౌనం వహించిన రేవంత్, ఇప్పుడు కర్ణాటకలోని INC ప్రభుత్వం కోసం ఆల్మట్టి ఎత్తు పెంపుపై మాట్లాడటం లేదని దుయ్యబట్టారు.
News September 24, 2025
కాలిఫ్లవర్‌లో కొరడా తోక తెగులు లక్షణాలు, నివారణ
కాలిఫ్లవర్ పంటలో మాలిబ్డినం ధాతు లోపం వల్ల ఆకులు పసుపు రంగులోకి మారి అంచులు తెల్లబడతాయి. మాలిబ్డినం లోపం తీవ్రంగా ఉంటే పువ్వులోని ఒక్క మధ్య ఈనె మాత్రమే పొడవుగా పెరుగుతుంది. దీనినే కొరడా తోక తెగులు అంటారు. దీని నివారణకు నత్రజని ఎరువులను సిఫారసు మేరకు మాత్రమే వేయాలి. ఈ సమస్య నివారణకు ఎకరానికి 200 లీటర్ల నీటిలో 400 గ్రాముల సోడియం లేదా అమ్మోనియం మాలిబ్డేట్ కలిపి పిచికారీ చేయాలి.
News September 24, 2025
OG అంటే ఒంటరిగా గెలవనోడని అర్థమా?: వైసీపీ ఎమ్మెల్యే
AP: పవన్ కళ్యాణ్ కొత్త సినిమా ‘OG’పై వైసీపీ ఎమ్మెల్యే టి.చంద్రశేఖర్ సెటైరికల్ ట్వీట్ చేశారు. ‘OG అంటే ఒంటరిగా గెలవనోడని అర్థమా?’ అని పోస్ట్ చేశారు. ఈ ట్వీట్‌పై జనసైనికులు మండిపడుతున్నారు. గత ఎన్నికల్లో తాము 100% స్ట్రైక్ రేటుతో విజయం సాధించామని, వైసీపీ 11 సీట్లకే పరిమితమైందని కామెంట్స్ చేస్తున్నారు. కాగా OG అంటే ఓజస్ గంభీర అని మేకర్స్ గతంలో ప్రకటించారు.