News November 10, 2024

కురుమూర్తిని దర్శించుకున్న సీఎం రేవంత్

image

TG: మహబూబ్‌నగర్ జిల్లా అమ్మాపురంలో జరుగుతున్న కురుమూర్తి స్వామి జాతరలో సీఎం రేవంత్ రెడ్డి పాల్గొన్నారు. స్వామివారి సన్నిధిలో పూజలు నిర్వహించారు. రూ.110 కోట్ల అంచనా వ్యయంతో ఘాట్ రోడ్, ఎలివేటెడ్ కారిడార్ నిర్మాణానికి శంకుస్థాపన చేశారు. కాగా ఓ సీఎం కురుమూర్తిని దర్శించుకోవడం ఇదే తొలిసారి. దాదాపు నెలరోజులపాటు జాతర వైభవంగా జరగనుంది.

Similar News

News November 30, 2025

ఖాజీరామారం: సర్పంచి అభ్యర్థులుగా బాబాయ్, కొడుకు నామినేషన్

image

నల్గొండ మండలం ఖాజీ రామారం గ్రామపంచాయతీ సర్పంచి అభ్యర్థులుగా ఒకే కుటుంబానికి చెందిన వారు శనివారం నామినేషన్లు వేశారు. గ్రామానికి చెందిన సల్వాది సైదులు బీఆర్ఎస్ నుంచి, సల్వాది చిన్న సైదులు కాంగ్రెస్ నుంచి వరుసకు బాబాయ్, కొడుకు కాగా ఇరువురు సర్పంచి అభ్యర్థికి పోటి పడుతుండటం విశేషం. డిసెంబర్ 11న జరిగే స్థానిక సంస్థ ఎన్నికల్లో విజయం ఎవరిని వరిస్తుందో వేచి చూడాలి.

News November 30, 2025

వయ్యారిభామతో వ్యవసాయానికి పెనుముప్పు

image

పార్థీనియం(వయ్యారిభామ) అత్యంత ప్రమాదకరమైన కలుపు మొక్క. ఇది అతి వేగంగా వ్యాపించి పొలాలను నిర్వీర్యం చేస్తుంది. దీని వల్ల పంట పొలాల్లో 40 శాతం దిగుబడి, పశుగ్రాసాల్లో 90 శాతం దిగుబడి తగ్గుతుంది. ఎరువుల సారాన్ని ఇవి పీల్చేసి పంటకు తీవ్ర నష్టం చేస్తాయి. కొన్ని వైరస్‌లకు ఆశ్రయమిచ్చి పంటల్లో వైరస్ తెగుళ్ల వ్యాప్తికి కారణమవుతాయి. వయ్యారిభామను ఎలా నిర్మూలించాలో తెలుసుకోవడానికి <<-se_10015>>పాడిపంట<<>> క్లిక్ చేయండి.

News November 30, 2025

AP న్యూస్ రౌండప్

image

* తిరుపతి(D) గూడూరును నెల్లూరులో కలపాలని ఎమ్మెల్యే సోమిరెడ్డి చంద్రమోహన్ మంత్రివర్గ సంఘానికి లేఖ రాశారు.
* తిరుమలలో డిసెంబర్ 17 నుంచి జనవరి 14 వరకు తిరుప్పావై నిర్వహణ. ఆ రోజుల్లో సుప్రభాత సేవ రద్దు: TTD
* చేనేత, గిరిజన ఉత్పత్తులన్నీ ఒకే చోట లభించేలా దేశంలోని 5 ప్రధాన నగరాల్లో ఎగ్జిబిషన్లు ఏర్పాటు చేస్తాం. డిసెంబర్ 20 నుంచి జనవరి 10 వరకు 22 రోజులపాటు ఎగ్జిబిషన్లు ఉంటాయి: మంత్రి సవిత