News January 21, 2025
దావోస్లో రెండో రోజు సీఎం షెడ్యూల్

AP: దావోస్ పర్యటనలో భాగంగా సీఎం చంద్రబాబు ఇవాళ వరల్డ్ ఎకనమిక్ ఫోరం సదస్సులో ప్రపంచ దిగ్గజ కంపెనీల అధిపతులతో భేటీ కానున్నారు. 15కు పైగా సమావేశాల్లో ముఖాముఖి భేటీల అనంతరం గ్రీన్ హైడ్రోజన్, గ్రీన్ మాన్యుఫాక్చరింగ్, పెట్రో కెమికల్ హబ్, ఎనర్జీ ట్రాన్సిషన్, బ్లూ ఎకానమీ అంశాలపై జరిగే సదస్సులో పాల్గొంటారు. టాటా, కార్ల్స్ బెర్గ్, LG, సిస్కో, వాల్మార్ట్, కాగ్నిజెంట్ ప్రతినిధులతో పెట్టుబడులపై చర్చిస్తారు.
Similar News
News November 29, 2025
నాలుగు సార్లు ఎమ్మెల్యే.. ఆ తర్వాత సర్పంచ్

TG: పంచాయతీ ఎన్నికల సందడి నెలకొన్న వేళ మాజీ ఎమ్మెల్యే ఉప్పల మల్సూర్ గురించి చర్చ జరుగుతోంది. సూర్యాపేట(D) సిరికొండకు చెందిన ఆయన ఉమ్మడి ఏపీలో నాలుగు సార్లు సూర్యాపేట MLAగా గెలిచారు. అనంతరం 1995లో తన సొంతూరులో సర్పంచ్గా ఏకగ్రీవంగా ఎన్నికయ్యారు. గ్రామస్థులంతా కలిసి ఒప్పించి మరీ ఆయనను సర్పంచ్ను చేశారు. 4 సార్లు MLAగా చేసిన తర్వాత సర్పంచ్గా సేవలందించిన వ్యక్తిగా మల్సూర్ చరిత్రలో నిలిచారు.
News November 29, 2025
ఈ జిల్లాలకు ఫ్లాష్ ఫ్లడ్స్ అలర్ట్

AP: శ్రీలంక తీరంలో ఏర్పడిన దిత్వా తుఫాను ఉత్తర వాయవ్య దిశగా కదులుతోంది. రేపు తెల్లవారుజామునకు తీవ్ర వాయుగుండంగా TN, పుదుచ్చేరి, ద.కోస్తా తీరాలకు చేరే అవకాశముంది. దీని ప్రభావంతో ఇవాళ మధ్యాహ్నం నుంచి కోస్తాలో తీరం వెంబడి గంటకు 50కి.మీ. వేగంతో గాలులు వీచే అవకాశముందని వాతావరణ శాఖ పేర్కొంది. రాగల 24 గంటల్లో నెల్లూరు, రాయలసీమలోని కడప, చిత్తూరు జిల్లాల్లో ఫ్లాష్ ఫ్లడ్స్ హెచ్చరికలు జారీ చేశారు.
News November 29, 2025
కాంగ్రెస్ నాటకం కర్ణాటకకు సిగ్గుచేటు: కేంద్రమంత్రి

కర్ణాటక కాంగ్రెస్లో కొనసాగుతున్న అధికార పోరుపై కేంద్రమంత్రి HD కుమారస్వామి తీవ్రస్థాయిలో విమర్శలు గుప్పించారు. ప్రజలను మోసం చేస్తూ కాంగ్రెస్ నాటకం ఆడుతోందని.. ఇది రాష్ట్రానికి సిగ్గుచేటని అన్నారు. సీఎం సిద్దరామయ్య, డిప్యూటీ సీఎం DK శివకుమార్ మధ్య గత కొంతకాలంగా వివాదం నెలకొన్న విషయం తెలిసిందే. DKకు సీఎం పదవి ఇవ్వాలని ఆయన అనుచరులు డిమాండ్ చేస్తున్నారు. ఈ నేపథ్యంలో ఇద్దరు నేతలు నేడు <<18419745>>భేటీ<<>> అయ్యారు.


