News November 20, 2024
ఇవాళ్టి నుంచి కాలేజీలు బంద్
TG: శాతవాహన యూనివర్సిటీ పరిధిలో అన్ని డిగ్రీ, పీజీ కాలేజీల బంద్‌కు డిగ్రీ కాలేజీల అసోసియేషన్ పిలుపునిచ్చింది. ఫీజు రీయింబర్స్‌మెంట్ బకాయిల విడుదల కోసం ఇవాళ్టి నుంచి ఈ బంద్ చేపట్టింది. బకాయిలు విడుదలయ్యే వరకు కాలేజీలు తెరిచేది లేదని అసోసియేషన్ స్పష్టం చేసింది. గత నెలలో నాలుగు రోజులు కాలేజీలు బంద్ చేసినప్పుడు, 3-4 రోజుల్లో డబ్బులు చెల్లిస్తామని హామీ ఇచ్చినా సమస్య పరిష్కారం కాలేదని గుర్తు చేసింది.
Similar News
News November 25, 2025
వేములవాడ ఆసుపత్రిలో ఉచిత కుటుంబ నియంత్రణ ఆపరేషన్లు
వేములవాడ ప్రభుత్వ ప్రాంతీయ ఆసుపత్రిలో మంగళవారం ఉచిత కుటుంబ నియంత్రణ శస్త్ర చికిత్స శిబిరం జరిగింది. ఈ శిబిరంలో మొత్తంగా 31 మంది మగవారికి కోత, కుట్టులేని కుటుంబ నియంత్రణ ఆపరేషన్లు విజయవంతంగా నిర్వహించారు. వేములవాడ, బోయినపల్లి, ఎల్లారెడ్డిపేట మండలాలకు చెందిన ప్రజలు ఈ అవకాశాన్ని సద్వినియోగం చేసుకున్నారు. ఈ శిబిరంలో డాక్టర్లు పెంచలయ్య, రమేష్, సంపత్ కుమార్ తదితరులు పాల్గొన్నారు.
News November 25, 2025
పోలీసుల రూల్స్ కేవలం హిందువులకేనా?: రాజాసింగ్
TG: అయ్యప్ప మాల వేసుకున్న హైదరాబాద్ కంచన్‌బాగ్ ఎస్సైకి ఉన్నతాధికారులు మెమో జారీ చేయడంపై ఎమ్మెల్యే రాజాసింగ్ ఫైరయ్యారు. పోలీసుల రూల్స్ కేవలం హిందువులకే వర్తిస్తాయా అని ప్రశ్నించారు. ముస్లిం సోదరులకు ఫ్రీడమ్ ఇచ్చి హిందూ పోలీసులకు ఎందుకు ఇవ్వట్లేదని నిలదీశారు. రంజాన్ సమయంలో ఇలాంటి రూల్స్ ఎందుకు పెట్టరని మండిపడ్డారు. చట్టాలు అందరికీ సమానంగా ఉండాలని సూచించారు.
News November 25, 2025
వాస్తు శాస్త్రం ప్రకారం.. పడక గది ఏ దిశలో ఉంటే మంచిది?
ఇంటి విస్తీర్ణంతో సంబంధం లేకుండా పెద్దవారి ప్రధాన పడక గది నైరుతి దిశలో ఉండాలని వాస్తు నిపుణులు కృష్ణాదిశేషు సూచిస్తున్నారు. పిల్లల గది వాయువ్య దిశలో ఉండటం మంచిదని చెబుతున్నారు. ‘ఈ దిశల అమరిక నిద్ర నాణ్యతను పెంచుతుంది. నిద్ర సుఖాన్ని మెరుగుపరుస్తుంది. నైరుతి స్థిరత్వాన్ని ఇవ్వగా, వాయువ్యం చైతన్యానికి మద్దతునిస్తుంది’ అని ఆయన వివరిస్తున్నారు. <<-se>>#Vasthu<<>>