News October 23, 2025
నవంబర్ 3 నుంచి కాలేజీలు బంద్.. సీఎస్‌కు సమ్మె నోటీసు
TG: ఫీజు రీయింబర్స్‌మెంట్ బకాయిలు చెల్లించాలని సీఎస్‌కు ఉన్నత విద్యాసంస్థల యాజమాన్యాలు సమ్మె నోటీసు ఇచ్చాయి. బకాయిలు చెల్లించకపోతే నవంబర్ 3 నుంచి కాలేజీలు బంద్ చేస్తామని ఫెడరేషన్ ఆఫ్ అసోసియేషన్స్ ఆఫ్ తెలంగాణ హయ్యర్ ఇన్‌స్టిట్యూషన్స్ (FATHI) హెచ్చరించింది. టోకెన్లు ఇచ్చి రూ.900 కోట్లు చెల్లించాలని డిమాండ్ చేసింది. దీపావళికి ప్రభుత్వం నుంచి నిధులు విడుదల చేయకపోవడంపై తీవ్ర అసంతృప్తి వ్యక్తం చేసింది.
Similar News
News October 23, 2025
బ్రహ్మచర్యంలో పాటించాల్సిన 8 నియమాలు
బ్రహ్మచర్యాన్ని పూర్వీకులు 8 విధాలుగా వివరించారు. అవి..
1. మహిళల రూపంపై దృష్టి సారించకుండా ఉండడం, 2. వారిని తాకకపోవడం, 3. స్త్రీలు నాట్యమాడుతుండగా చూడకపోవడం, 4. శారీరక సుఖాలకు సంబంధించిన సంభాషణలకు దూరంగా ఉండటం, 5. స్త్రీలతో ఒంటరిగా ఉండే అవకాశాలను నివారించడం, 6. మనస్సులో శృంగారపరమైన ఆలోచనలు రాకుండా ఉండటం, 7. వివాహ ప్రయత్నాలను ఆపడం, 8. శారీరక సుఖాన్ని కోరుకోకుండా ఉండడం. <<-se>>#Sankhya<<>>
News October 23, 2025
MLA కొలికపూడి vs MP కేశినేని చిన్ని
AP: MP కేశినేని చిన్నీపై తిరువూరు MLA కొలికపూడి శ్రీనివాసరావు తీవ్ర ఆరోపణలు చేశారు. MLA టికెట్ కోసం MPకి రూ.5 కోట్లు ఇచ్చానంటూ బ్యాంక్ స్టేట్మెంట్‌ను వాట్సాప్‌ స్టేటస్ పెట్టారు. ‘తిరువూరులో దొంగే దొంగని అరుస్తున్నాడు. ఆరోపణలపై సాక్ష్యాలు ఇవ్వాలి. నేను సంపాదించుకోవాలనుకుంటే తిరువూరు దాకా వెళ్లక్కర్లేదు’ అని చిన్ని తెలిపారు. ఈ వివాదంపై MP, MLAని పల్లా శ్రీనివాసరావు రేపు NTR భవన్‌కు పిలిచారు.
News October 23, 2025
10వేలు కాదు.. 4వేల అడుగులు నడిచినా సేఫే: అధ్యయనం
ప్రతిరోజూ పది వేల అడుగులు నడవాలని వైద్యులు సూచించడంతో ఈ లక్ష్యాన్ని చేరుకోలేక చాలామంది ఆందోళన చెందుతుంటారు. అయితే వృద్ధ మహిళలు వారానికి ఒకట్రెండు రోజులు కేవలం 4వేల స్టెప్స్ నడిచినా చాలని, ఇది అకాల మరణం & గుండె జబ్బుల ప్రమాదాన్ని తగ్గిస్తుందని తాజా అధ్యయనంలో తేలింది. వారంలో ఎక్కువ రోజులు 4,000 స్టెప్స్ లేదా అంతకంటే ఎక్కువ నడిస్తే, మెరుగైన ఆరోగ్య ఫలితాలు ఉంటాయని స్టడీ స్పష్టం చేసింది.