News April 5, 2024
ఎలక్టోరల్ బాండ్లతో SBIకి రూ.10.68కోట్ల కమీషన్!
ఎలక్టోరల్ బాండ్స్ ద్వారా SBI భారీగా లబ్ధి పొందినట్లు RTI ద్వారా వెల్లడైంది. 2018-2024 మధ్య జరిగిన ఈ బాండ్ల లావాదేవీలపై SBI ఛార్జీలు వసూలు చేసిందట. మొత్తం రూ.10.68కోట్లు తమకు కమీషన్‌గా చెల్లించాలని కేంద్ర ఆర్థికశాఖకు బిల్లు పంపించింది. కనిష్ఠంగా 82 బాండ్లు క్లెయిమ్ చేసుకున్నందుకు రూ.1.82లక్షలు వసూలు చేసింది. గరిష్ఠంగా 2019 ఎన్నికల టైమ్‌లో 4,607 బాండ్లు సేల్ అయినందుకు రూ.1.25కోట్లు వసూలు చేసింది.
Similar News
News November 28, 2025
పిల్లలకు రాగిజావ ఎప్పుడివ్వాలంటే?
పసిపిల్లల్లో జీర్ణవ్యవస్థ రోజురోజుకూ వృద్ధి చెందుతుంటుంది. అందుకే తేలిగ్గా జీర్ణమయ్యే రాగిజావను 6-8 నెలల మధ్యలో అలవాటు చేయొచ్చంటున్నారు నిపుణులు. ఈ సమయానికల్లా పిల్లల్లో చాలావరకూ తల నిలబెట్టడం, సపోర్టుతో కూర్చోవడం లాంటి మోటార్‌ స్కిల్స్‌ డెవలప్‌ అయి ఉంటాయి కాబట్టి వాళ్లు ఆ రుచినీ, టెక్‌స్చర్‌నీ గ్రహిస్తారు. మొదట తక్కువ పరిమాణంతో మొదలుపెట్టి, అలవాటయ్యే కొద్దీ పరిమాణం పెంచుకుంటూ వెళ్లొచ్చు.
News November 28, 2025
మన ఆత్మలోనే వేంకటేశ్వరుడు
పూతాత్మా పరమాత్మా చ ముక్తానాం పరమాగతిః|
అవ్యయః పురుషః సాక్షీ క్షేత్రజ్ఞో క్షర ఏవ చ||
విష్ణుమూర్తి ఆత్మ స్వరూపుడు. ముక్తి పొందిన జీవులకు శాశ్వత గమ్యం ఆయనే. ఆ దేవుడు ప్రతి శరీరంలో ఉంటాడు. లోపల జరిగే ప్రతి విషయాన్ని సాక్షిగా చూస్తుంటాడు. కానీ, మనం ఎక్కడెక్కడో వెతుకుతుంటాం. ఆ దేవుడు బయటెక్కడో లేడు, మన అంతరాత్మలోనే ఉన్నాడని ఈ శ్లోకం వివరిస్తోంది. ఆయనే మోక్షాన్ని ఇస్తాడని నమ్మకం. <<-se>>#VISHNUSAHASRANAMAM<<>>
News November 28, 2025
HYD మెట్రోకు 8 ఏళ్లు
TG: రాష్ట్రానికే తలమానికంగా నిలిచిన HYD మెట్రో మొదలై నేటితో 8 ఏళ్లు పూర్తయ్యాయి. 2017 నవంబర్ 28న PM మోదీ ఫస్ట్ ఫేజ్‌ను ప్రారంభించగా 29 నుంచి సేవలు ప్రారంభమయ్యాయి. ప్రస్తుతం 3 కారిడార్లలో రోజూ 57 రైళ్లు దాదాపు 1,100 ట్రిప్పులు తిరుగుతూ ప్రజలకు సౌకర్యవంతమైన ప్రయాణాన్ని అందిస్తున్నాయి. నిత్యం 4-5లక్షల మందిని గమ్యస్థానాలకు చేర్చుతున్నాయి. ఈ మెట్రోను మరింత విస్తరించేందుకు ప్రభుత్వం చర్యలు చేపట్టింది.