News December 17, 2024
రేపు కాంగ్రెస్ చలో రాజ్ భవన్.. పాల్గొననున్న సీఎం
TG: అమెరికాలో గౌతమ్ అదానీపై కేసు, మణిపుర్ అల్లర్లపై PM మోదీ వైఖరిని నిరసిస్తూ రేపు చలో రాజ్ భవన్ కార్యక్రమం నిర్వహించాలని TPCC నిర్ణయించింది. ఈ కార్యక్రమంలో CM రేవంత్, Dy.CM భట్టితో సహా ఇతర కాంగ్రెస్ ప్రజాప్రతినిధులు పాల్గొంటారు. ఉ.11 గంటలకు నెక్లెస్ రోడ్డులోని ఇందిరా గాంధీ విగ్రహం వద్ద నుంచి ర్యాలీగా వెళ్లనున్నారు. మణిపుర్‌లో అల్లర్లు జరిగినప్పటి నుంచి PM అక్కడికి వెళ్లలేదని INC విమర్శిస్తోంది.
Similar News
News November 30, 2025
అల్లూరి: ‘ఎక్కువ బంగారు కుటుంబాలను దత్తత తీసుకోవాలి’
జిల్లాలో 3 నియోజకవర్గాల పరిధిలో స్వర్ణాంధ్ర P-4 కార్యక్రమంలో భాగంగా మార్గదర్శులు, ఎక్కువ బంగారు కుటుంబాలను దత్తత తీసుకోవాలని కలెక్టర్ దినేశ్ కుమార్ సూచించారు. శనివారం కలెక్టరేట్ నుంచి అధికారులతో వీసీ నిర్వహించారు. జిల్లాలో పేదరిక నిర్మూలనకు స్వర్ణాంధ్ర P-4 కార్యక్రమాన్ని ముందుకు తీసుకువెళ్లడానికి జిల్లా అధికారులు కృషి చేయాలన్నారు. మార్గదర్శులు వీలైనన్ని ఎక్కువ కుటుంబాలను దత్తత తీసుకోవాలన్నారు.
News November 30, 2025
భారీగా పడిపోయిన ధరలు
AP: కొబ్బరి ధరలు భారీగా పతనమవుతున్నాయి. కోనసీమ జిల్లా అంబాజీపేట మార్కెట్‌లో 1,000 పచ్చికాయల ధర రూ.14 వేలకు పడిపోయింది. అదే 2 నెలల కిందట రూ.28 వేల వరకు పలికింది. దీపావళి, కార్తీక మాసం ముగియడం, రెండు నెలల పాటు ఉండే శుక్రమౌఢ్యమి ప్రారంభమవడం వల్ల ఎగుమతులు తగ్గిపోయి ధరలు పడిపోయాయి. అలాగే తమిళనాడు, కేరళలో దిగుబడులు పెరగడంతో డిమాండ్ తగ్గిందని, ఫలితంగా ధరలు క్షీణించాయని స్థానిక వ్యాపారులు చెబుతున్నారు.
News November 30, 2025
వయ్యారిభామ వల్ల మన ఆరోగ్యానికి కలిగే నష్టం ఏమిటి?
వయ్యారిభామ మొక్కల పుప్పొడి గాలి ద్వారా ప్రయాణించి శ్వాస తీసుకునేటప్పుడు మనుషుల శరీరంలోకి ప్రవేశిస్తుంది. దీని వల్ల మనలో డెర్మటైటిస్, ఎగ్జిమా, ఉబ్బసం, తీవ్ర జ్వరం, బ్రాంకైటిస్ లాంటి వ్యాధులు వస్తాయి. పొలాల్లో తిరుగుతూ దీని పుప్పొడిని పీలిస్తే కళ్లు ఎర్రబడటం, కళ్లు వాయడం.. ఎండిపోయిన వయ్యారిభామ మొక్కలను తగలబెట్టినప్పుడు ఆ పొగను పీలిస్తే శ్వాసకోశ వ్యాధులు వచ్చే అవకాశం ఉంది.