News November 23, 2024
కర్ణాటకలో 2 చోట్ల కాంగ్రెస్ గెలుపు, మరోచోట లీడింగ్
కర్ణాటక ఉపఎన్నికలో కాంగ్రెస్ రెండు చోట్ల విజయం సాధించింది. శిగ్గావ్‌లో బీజేపీ అభ్యర్థి భరత్ బొమ్మైపై కాంగ్రెస్ అభ్యర్థి యాసిర్ పఠాన్ గెలుపొందారు. మరోవైపు సందూర్‌లో కాంగ్రెస్ క్యాండిడేట్ అన్నపూర్ణ ఘన విజయం సాధించారు. దీనిపై ఈసీ నుంచి అధికారిక ప్రకటన రావాల్సి ఉంది. మొత్తం మూడుచోట్ల ఉపఎన్నిక జరగ్గా చన్నపట్నలోనూ కాంగ్రెస్ అభ్యర్థి యోగీశ్వర ముందంజలో ఉన్నారు.
Similar News
News November 23, 2024
38 ఏళ్ల తర్వాత భారత ఓపెనింగ్ జోడీ అదుర్స్
ఆస్ట్రేలియాతో తొలి టెస్టులో భారత ఓపెనర్లు జైస్వాల్(90*), కేఎల్ రాహుల్(62*) రికార్డు సృష్టించారు. AUS గడ్డపై 20 ఏళ్ల తర్వాత ఓపెనింగ్ సెంచరీ(172*) భాగస్వామ్యం నమోదు చేశారు. 2004లో సెహ్వాగ్-ఆకాశ్ చోప్రా 123 రన్స్ చేశారు. అలాగే ఆ దేశంలో 38 ఏళ్ల తర్వాత 150కి పైగా పరుగులు చేసిన భారత ఓపెనింగ్ జోడీగా జైస్వాల్, రాహుల్ నిలిచారు. చివరగా 1986లో గవాస్కర్-శ్రీకాంత్ జోడీ 191 రన్స్ పార్ట్‌నర్‌షిప్ నమోదుచేసింది.
News November 23, 2024
వెనుకంజలో బాబా సిద్ధిఖీ కుమారుడు
MHలో ఇటీవల హ‌త్య‌కు గురైన మాజీ మంత్రి బాబా సిద్ధిఖీ కుమారుడు జీష‌న్ వాంద్రే ఈస్ట్ నుంచి వెనుకంజలో ఉన్నారు. ఆయ‌న‌పై శివ‌సేన UBT అభ్యర్థి వ‌రుణ్‌ స‌తీశ్ 10K ఓట్ల ఆధిక్యంలో ఉన్నారు. వివాదాస్ప‌ద NCP నేత న‌వాబ్ మాలిక్ మ‌న్‌ఖుద్ర్ శివాజీ న‌గ‌ర్‌లో నాలుగో స్థానానికి ప‌రిమిత‌మ‌య్యారు. ఆయ‌న కుమార్తె స‌నా మాలిక్ అనుశ‌క్తి న‌గ‌ర్‌లో న‌టి స్వ‌రా భాస్క‌ర్ భ‌ర్త ఫ‌హ‌ద్‌పై 3వేల ఓట్ల ఆధిక్యంలో ఉన్నారు.
News November 23, 2024
కాంగ్రెస్ ఫ్లాప్ షో.. ‘INDIA’పై ఎఫెక్ట్ తప్పదా?
దేశ రాజకీయాల్లో కాంగ్రెస్ ఫ్లాప్ షో కొనసాగిస్తోంది. మహారాష్ట్రలో 101 స్థానాల్లో పోటీ చేసి 18, ఝార్ఖండ్‌లో 30 చోట్ల బరిలో నిలిచి 15 స్థానాలకు పరిమితమైంది. ఇటీవల హరియాణా, అంతకుముందు రాజస్థాన్, మధ్యప్రదేశ్ అసెంబ్లీ ఎన్నికల్లోనూ ఇదే తీరు. ఇకపై INDIAలో కాంగ్రెస్ మాట చెల్లుబాటు కాదని, ఆ కూటమే గల్లంతైనా ఆశ్చర్యం లేదని విశ్లేషకుల అంచనా. ప్రత్యామ్నాయ వేదిక ఏర్పాటుకు ప్రయత్నాలు సాగొచ్చని పేర్కొంటున్నారు.