News September 4, 2024

దేశవ్యాప్తంగా 74 సొరంగాల నిర్మాణం

దేశవ్యాప్తంగా 273 కిలోమీటర్ల పొడవైన 74 సొరంగ మార్గాల్ని నిర్మించాలని కేంద్ర ప్రభుత్వం నిర్ణయించింది. దీని కోసం రూ. లక్ష కోట్లు వెచ్చించనున్నట్లు తెలుస్తోంది. పలు ప్రాంతాల మధ్య కనెక్టివిటీ మరింత మెరుగయ్యేందుకు ఇది ఉపకరిస్తుందని ప్రభుత్వ వర్గాలు తెలిపాయి. ఇప్పటి వరకు 49 కిలోమీటర్ల పొడవైన 35 టన్నెల్స్‌ను కేంద్రం పూర్తి చేసింది. రూ.40 వేల కోట్ల విలువైన మరో 69 సొరంగాలు నిర్మాణ దశలో ఉన్నాయి.