News July 7, 2024
భారత సరిహద్దులో డ్రాగన్ బంకర్ల నిర్మాణం
చైనా మరోసారి భారత్‌ను కవ్వించే ప్రయత్నాలు చేస్తోంది. తాజాగా చైనా పీపుల్స్ లిబరేషన్ ఆర్మీ తూర్పు లద్దాక్‌లోని ప్యాంగ్యాంగ్ సరస్సు చుట్టుపక్కల అండర్ గ్రౌండ్ బంకర్లు నిర్మిస్తున్నట్లు శాటిలైట్ చిత్రాల ద్వారా కనిపిస్తోంది. ఆయుధాలు, ఇంధనం, సైనిక వాహనాల కోసం చైనా ఈ ఆర్మీ బంకర్లు నిర్మిస్తున్నట్లు తెలుస్తోంది. యూఎస్‌కు చెందిన బ్లాక్ స్కై సంస్థ అందించిన ఉపగ్రహ చిత్రాల ద్వారా ఈ విషయం బయటపడింది.
Similar News
News October 23, 2025
భారీ వర్షాలు.. ఇవాళ స్కూళ్లకు సెలవు
AP: బంగాళాఖాతంలో తీవ్ర అల్పపీడనం ప్రభావంతో కడప, చిత్తూరు, అన్నమయ్య, తిరుపతి, నెల్లూరులో భారీ వర్షాలు కురిసే అవకాశం ఉందని APSDMA తెలిపింది. ఈ నేపథ్యంలో ఆ 5 జిల్లాల్లో ఇవాళ ప్రభుత్వ, ప్రైవేటు స్కూళ్లకు అధికారులు సెలవు ప్రకటించారు. మరోవైపు ప్రకాశంలోనూ భారీ వర్షాలు కురిసే అవకాశం ఉందన్న హెచ్చరికల నేపథ్యంలో ఆ జిల్లాలోని స్కూళ్లకు సెలవు ఇవ్వాలని విద్యార్థుల తల్లిదండ్రులు కోరుతున్నారు.
News October 23, 2025
రాజధానిలో 12 బ్యాంకులకు 28న శంకుస్థాపన
AP: అమరావతిలో 12 ప్రముఖ బ్యాంకుల ప్రధాన కార్యాలయాలకు ఈ నెల 28న కేంద్ర ఆర్థిక మంత్రి నిర్మలా సీతారామన్ శంకుస్థాపన చేయనున్నారు. ఈ కార్యక్రమంలో సీఎం చంద్రబాబు, ఆర్బీఐ గవర్నర్ సంజయ్ మల్హోత్రా పాల్గొననున్నారు. ఉద్దండరాయునిపాలెం వద్ద ప్రభుత్వం స్థలాలు కేటాయించింది. SBI, కెనరా, యూనియన్ బ్యాంక్, BOB, ఇండియన్ బ్యాంక్, ఏపీ కోఆపరేటివ్ బ్యాంక్, PNB, BOI, సెంట్రల్ బ్యాంక్ ఆఫ్ ఇండియా ఏర్పాటు కానున్నాయి.
News October 23, 2025
నేడు భగినీ హస్త భోజనం
5 రోజుల దీపావళి పండుగలో చివరిది భగినీ హస్త భోజనం. ‘భగిని’ అంటే సోదరి అని అర్థం. ఆమె చేతి భోజనం సోదరుడికి దైవ ప్రసాదంతో సమానం. పురాణాల ప్రకారం.. ఈ పండుగను యమునా దేవి తన సోదరుడు యముడితో కలిసి నిర్వహించింది. అందుకే నేడు అన్నాచెల్లెల్లు/అక్కాతమ్ముళ్లు కలిసి ఆప్యాయంగా కొద్ది సమయం గడుపుతారు. ఇది అకాల మరణం నుంచి తప్పిస్తుందని నమ్ముతారు. ఈ ఆచారం వెనుక బంధాలను బలోపేతం చేసే కారణం కూడా ఉంది.