News March 27, 2024
ఆయుధాల్ని విడిచేందుకు కుకీలు ససేమిరా!
ఎన్నికల కోడ్ అమలులోకి వచ్చిన నేపథ్యంలో దేశవ్యాప్తంగా లైనెన్స్డ్ ఆయుధాలను పోలీసులు స్వాధీనపరచుకుంటున్న సంగతి తెలిసిందే. అయితే మణిపుర్లోని కుకీ-జో పౌరసమాజ సంస్థ మాత్రం అందుకు ససేమిరా అంటోంది. స్థానికంగా మైతీలతో తమకున్న ఉద్రిక్తతల కారణంగా తుపాకులు ఇవ్వడం కుదరదని తెగేసి చెబుతోంది. మణిపుర్ హింస సమయంలో 4వేలకు పైగా తుపాకుల్ని పోలీసుల వద్ద నుంచి దుండగులు తస్కరించిన సంగతి తెలిసిందే.
Similar News
News April 9, 2026
కఠినాత్ముల మనస్సు కరిగించలేం!
వంపుకర్రగాచి వంపు తీర్చగవచ్చు
కొండలన్ని పిండిగొట్టవచ్చు
కఠినచిత్తు మనసు కరిగింపగా రాదు
విశ్వదాభిరామ! వినుర వేమ!!
తాత్పర్యం: వంపుగా ఉన్న కర్రను వేడి చేసి తిన్నగా చేయవచ్చు. కొండలను కూడా పిండి చేయవచ్చు. కానీ మొండి పట్టుదల లేదా కఠినాత్ముల మనస్సును కరిగించడం సాధ్యం కాదు.
<<-se>>#PADHYAM<<>>
News April 9, 2026
‘పెద్ది’ స్పెషల్ సాంగ్లో ‘కపుల్ ఫ్రెండ్లీ’ బ్యూటీ?
రామ్ చరణ్ ‘పెద్ది’ సినిమాలోని స్పెషల్ సాంగ్లో యంగ్ హీరోయిన్ మానస వారణాసి స్టెప్పులు వేయనున్నట్లు ప్రచారం జరుగుతోంది. ఈ సాంగ్ కోసం మూవీ టీమ్ ఆమె పేరును పరిశీలిస్తున్నట్లు సినీ వర్గాలు పేర్కొన్నాయి. ఈ బ్యూటీ ఇటీవల ‘కపుల్ ఫ్రెండ్లీ’ సినిమాతో యూత్ ఆడియన్స్ను ఆకట్టుకున్నారు. కాగా స్పెషల్ సాంగ్లో మృణాల్ ఠాకూర్ నటిస్తున్నారని ఇటీవల వార్తలొచ్చిన సంగతి తెలిసిందే.
News April 9, 2026
కేరళం, అస్సాం, పుదుచ్చేరిలో నేడే పోలింగ్
కేరళం, అస్సాం, పుదుచ్చేరిలో ఈరోజు అసెంబ్లీ ఎన్నికల పోలింగ్ జరగనుంది. ఓటింగ్ ఉ.7 గంటలకు ప్రారంభమై సా.6 గంటలకు ముగుస్తుంది. కేరళంలో 140, అస్సాంలో 126, పుదుచ్చేరిలో 30 స్థానాలకు ఎన్నికలు జరగనున్నాయి. మే 4న ఓట్ల లెక్కింపు ఉంటుంది. కేరళంలో LDF, UDF మధ్య ప్రధాన పోటీ ఉంది. ఇక్కడ పినరయి విజయన్ నాయకత్వంలోని LDF, అస్సాంలో NDA హ్యాట్రిక్పై కన్నేశాయి. పుదుచ్చేరిలో NDA, INC-DMK కూటమి మధ్య ప్రధాన పోటీ ఉంది.