News July 14, 2024
ఒక్కో శాఖలో అవినీతి బయటపడుతోంది: బాలకృష్ణ
AP: వైసీపీ హయాంలో వ్యవస్థలన్నింటినీ నాశనం చేశారని MLA బాలకృష్ణ దుయ్యబట్టారు. పరిపాలన చేతకాక 3 రాజధానులు, నవరత్నాల పేరుతో మోసం చేశారని విమర్శించారు. ఇసుక, మద్యం, మైనింగ్‌లో దోచుకుతిన్నారని ఆరోపించారు. గతంలో ఒక్కో శాఖలో జరిగిన అవినీతి ఇప్పుడు బయటపడుతోందని చెప్పారు. ఇవాళ హిందూపురంలో టిడ్కో ఇళ్లను పరిశీలించిన బాలకృష్ణ.. త్వరలో ఈ ఇళ్ల నిర్మాణాలను పూర్తి చేసి లబ్ధిదారులకు అందిస్తామన్నారు.
Similar News
News November 17, 2025
సౌదీ బస్సు ప్రమాదం.. హెల్ప్‌లైన్ ఏర్పాటు
సౌదీలో జరిగిన ఘోర బస్సు <<18309348>>ప్రమాదంపై<<>> విదేశాంగ మంత్రి జైశంకర్ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు సానుభూతి తెలిపారు. రియాద్‌లోని ఎంబసీ, జెడ్డాలో కాన్సులేట్‌లు బాధిత కుటుంబాలకు అండగా ఉంటాయన్నారు. మరోవైపు కేంద్రం హెల్ప్‌లైన్ సెంటర్లను ఏర్పాటు చేసింది. ఏదైనా సమాచారం కోసం 8002440003, 0122614093, 0126614276, +966556122301 నంబర్లను సంప్రదించాలని సూచించింది.
News November 17, 2025
పెళ్లిపై రూమర్స్.. అసహ్యమేస్తోందన్న త్రిష
తనకు పెళ్లంటూ వస్తున్న రూమర్స్ అసహ్యం కలిగిస్తున్నాయని హీరోయిన్ త్రిష ఆగ్రహం వ్యక్తం చేశారు. తన మ్యారేజ్, పొలిటికల్ ఎంట్రీపై జరుగుతున్న ప్రచారాన్ని ఖండించారు. ‘నేనెవరితో ఫొటో దిగితే వారితో పెళ్లి అయినట్లేనా? నాకు ఎంత మందితో వివాహం చేస్తారు? ఇలాంటి ప్రచారం ఆపండి’ అని పేర్కొన్నారు. త్రిష ఓ హీరోతో డేట్‌లో ఉందని, చండీగఢ్ బిజినెస్‌మ్యాన్‌ను పెళ్లి చేసుకోబోతున్నారని తరచుగా రూమర్లు పుట్టుకొస్తున్నాయి.
News November 17, 2025
కిచెన్ టిప్స్
* కొత్తిమీర వాడిపోతే వేర్లు కట్ చేసి ఉప్పు కలిపిన నీటిలో కాడలు మునిగేలా ఉంచాలి. అరగంట తర్వాత కొత్తిమీర తాజాగా మారుతుంది.
* ఎంత నీరు తాగినా దాహం తీరకపోతే ఒక యాలక్కాయ నోట్లో వేసుకొని నమలి నీళ్లు తాగాలి. * గసగసాలు రుబ్బేముందు 10 నిమిషాలు వేడినీటిలో నానబెట్టి మిక్సీ పడితే మెత్తగా అవుతాయి. * ఉప్పు చెమ్మ చేరి నీరు కారిపోకుండా ఉండాలంటే.. ఉప్పు ఉన్న జాడీలో రెండు పచ్చిమిరపకాయలు వేయాలి.