News July 14, 2024
గిల్పై విమర్శలు.. స్పందించిన జైస్వాల్
జింబాబ్వేతో నిన్న జరిగిన 4వ T20లో గిల్ స్ట్రైకింగ్ <<13623798>>ఇవ్వకపోవడంతో<<>> జైస్వాల్ సెంచరీ మిస్ చేసుకున్నాడని సోషల్ మీడియాలో విమర్శలొచ్చాయి. దీనిపై గిల్కు మద్దతుగా జైస్వాల్ స్పందించారు. ‘గిల్, నేను వికెట్ పడకుండా మ్యాచ్ను త్వరగా ముగించాలనే లక్ష్యంతోనే ఆడాం. అతడితో కలిసి పరుగులు చేయడాన్ని ఆస్వాదించా’ అని స్పష్టత ఇచ్చారు. కాగా జైస్వాల్ 93 రన్స్తో అజేయంగా నిలిచి సెంచరీ మిస్ చేసుకున్నారు.
Similar News
News December 31, 2025
అయామ్ సెమనీ కోడికి ఎందుకు అంత ధర?
అయామ్ సెమనీ కోడి ఇండోనేషియాలోని జావా ద్వీపంలో కనిపిస్తుంది. ఈ కోడి చర్మం, మాంసం, ఎముకలు, అవయవాలు, ఈకలు అన్నీ నలుపే. రక్తం ముదురు ఎరుపుగా ఉంటుంది. గుడ్లు మాత్రం బ్రౌన్ కలర్లో ఉంటాయి. వాతావరణ పరిస్థితులు, జన్యు మార్పుల వల్ల సెమనీ కోళ్లకు ఈ రంగు వచ్చింది. ఇండోనేషియా ప్రజలు ఈ కోడిని పవిత్రమైనదిగా, ఆధ్యాత్మిక ప్రాముఖ్యత ఉన్నదిగా నమ్ముతారు. ఈ సెంటిమెంట్ వల్లే ఈ కోడి ధర కిలో రూ.2 లక్షలకు పైనే ఉంటుంది.
News December 31, 2025
మహిళలకు అత్యంత అనుకూలమైన దేశం డెన్మార్క్
ఉమెన్ పీస్ అండ్ సెక్యూరిటీ (WPS) ఇండెక్స్-2025లో మహిళలకు అత్యంత అనుకూలమైన దేశంగా డెన్మార్క్ అగ్ర స్థానంలో నిలిచింది. ఉద్యోగ, ఉపాధితోపాటు ప్రతి రంగంలోనూ ఇక్కడి మహిళలకు విస్తృతమైన అవకాశాలు, భద్రత లభిస్తోంది. లింగవివక్ష, మహిళలపై హింస ఉండవు. కీలక నిర్ణయాల్లో మహిళల ప్రాతినిధ్యం, బలమైన చట్టాలు, సురక్షిత వాతావరణం, ఆరోగ్యం-చదువులో ఉన్నత ఫలితాలు సాధించడం వంటివి దీన్ని లెక్కించే సూచికలు.
News December 31, 2025
కోటిన్నర ఎకరాలకు రైతు భరోసా!
TG: గత సీజన్లో ఇచ్చినట్లుగానే ఈసారి కోటిన్నర ఎకరాలకు కాంగ్రెస్ ప్రభుత్వం రైతు భరోసా ఇవ్వనున్నట్లు తెలుస్తోంది. యాసంగి సీజన్ పెట్టుబడి సాయం కింద సంక్రాంతి నాటికి రైతు భరోసా నగదు రైతు ఖాతాల్లో జమ చేసే యోచనలో ఉంది. సాగు భూములకు ఇస్తామని ప్రభుత్వం చెబుతున్నా ఇప్పటికీ ఆ లెక్కలు తేలలేదు. ఈ పథకం ద్వారా ఎకరానికి రూ.6వేల చొప్పున ఏడాదికి రెండు విడతల్లో నగదు ఇవ్వనున్నట్లు ప్రభుత్వం తెలిపింది.