News December 20, 2024
CTR: ఇద్దరు యువకుల ప్రాణం తీసిన అతివేగం
చిత్తూరు- తవణంపల్లె రోడ్డులో శుక్రవారం ఉదయం ప్రమాదం జరిగిన విషయం తెలిసిందే. ఓ కళాశాల విద్యార్థులు స్పోర్ట్స్ బైక్‌పై అతివేగంతో బస్‌ను ఓవర్‌టేక్ చేస్తుండగా.. బైకు అదుపుతప్పి ఆటోను ఢీకొట్టింది. ఈప్రమాదంలో విద్యార్థులు హర్ష(17), సాయితేజ(18)కు తీవ్ర రక్తస్రావమై కోమాలోకి వెళ్లారు. స్థానికులు వారిని చిత్తూరు ప్రభుత్వ ఆసుపత్రికి తరలించారు. చికిత్స పొందుతూ ఆసుపత్రిలో మృతిచెందారు.
Similar News
News November 30, 2025
కాణిపాకంలో అండర్ గ్రౌండ్ కేబుల్..!
కాణిపాకం ఆలయాన్ని APSPDCL సీఎండీ శివశంకర్ శనివారం సందర్శించారు. ఆయనకు ఎమ్మెల్యే మురళీమోహన్, ఈవో పెంచల కిషోర్, ఛైర్మన్ మణి నాయుడు స్వాగతం పలికారు. స్వామివారి చిత్రపటాన్ని అందజేశారు. దర్శనం అనంతరం అధికారులు ఆలయ మర్యాదలతో సన్మానించారు. ఆలయ అభివృద్ధికి తమ శాఖ ఆధ్వర్యంలో సేవలందించేందుకు ముందుంటామని చెప్పారు. కాణిపాకంలో అండర్ గ్రౌండ్ కేబుల్ విధానానికి అంచనాలు పంపాలని అధికారులకు సూచించారు.
News November 29, 2025
CITU చిత్తూరు జిల్లా అధ్యక్షుడిగా విజయ
పలమనేరులో రెండు రోజులపాటు జరిగిన సీఐటీయూ జిల్లా మహాసభలో శనివారం ముగిశాయి. జిల్లా నూతన కార్యవర్గాన్ని ఏకగ్రీవంగా ఎన్నుకున్నారు. CITU జిల్లా అధ్యక్షుడిగా కె.విజయ, ప్రధాన కార్యదర్శిగా గిరిధర్ గుప్త, కోశాధికారిగా జ్యోతిరావు, ఉపాధ్యక్షులుగా వాడ గంగరాజు, గంగ, మమత, షకీలా ఎన్నికయ్యారు. వీరితో పాటు 15 మందిని నూతన కార్యవర్గంగా ఎన్నుకున్నారు.
News November 29, 2025
చిత్తూరు: ప్రియుడితో కలిసి భర్తను చంపడానికి ప్లాన్
ప్రియుడితో కలిసి భర్తను చంపడానికి ప్రయత్నించిన కేసులో భార్య, ఆమె ప్రియుడిని అరెస్ట్ చేసినట్లు పలమనేరు ఎస్ఐ స్వర్ణతేజ తెలిపారు. కోతిగుట్టకు చెందిన వెంకటేశులు భార్య శిల్ప తన ప్రియుడు వెంకటేశ్‌తో కలిసి భర్తపై వేడి నూనె పోసి హత్యాయత్నం చేశారు. 5నెలలుగా పరారీలో ఉన్న ఇద్దరిని శనివారం అరెస్ట్ చేసినట్లు ఆమె తెలిపారు. వెంకటేశులు ఆర్మీలో పని చేయడం గమనార్హం.