News February 16, 2026
CTR: కాంట్రాక్ట్ ఉద్యోగాలకు దరఖాస్తుల ఆహ్వానం
నేషనల్ హెల్త్ మిషన్ (NHM) పథకంలో భాగంగా కాంట్రాక్ట్ ఉద్యోగాలకు దరఖాస్తులు ఆహ్వానిస్తున్నట్లు చిత్తూరు జిల్లా వైద్య ఆరోగ్యశాఖ అధికారిని (DMHO) సుధారాణి పేర్కొన్నారు. డేటా మేనేజర్, డేటా ఎంట్రీ ఆపరేటర్స్, మైక్రో బయాలజిస్ట్ .. మొత్తం 5 విభాగాలలో 6 ఖాళీలు ఉన్నట్లు తెలియజేశారు. అర్హత, ఇతర వివరాలకు https://chittoor.ap.gov.in/ వెబ్ సైట్ చూడాలన్నారు. దరఖాస్తులకు చివరి తేదీ ఫిబ్రవరి 20.
Similar News
News February 17, 2026
మిర్యాలగూడ: గిరిజన సంప్రదాయంగా కౌన్సిలర్ ప్రమాణ స్వీకారం
మిర్యాలగూడ మున్సిపల్ ఎన్నికల్లో కాంగ్రెస్ 31, బీఆర్ఎస్ 13, బీజేపీ 1, ఏఐఎస్బీ 1, ఇండిపెండెంట్ ఇద్దరు అభ్యర్థులు గెలుపొందారు. కౌన్సిలర్ల ప్రమాణస్వీకారం అట్టహాసంగా కొనసాగింది. 12వ వార్డు కాంగ్రెస్ పార్టీ అభ్యర్థి దిరావత్ స్వర్ణ కౌన్సిలర్గా నేడు జరిగిన ప్రమాణస్వీకారంలో గిరిజన సంప్రదాయ వేషధారణలో వచ్చి ప్రమాణం స్వీకారం చేసి అందర్నీ ఆకట్టుకున్నారు. ప్రజలకు అందుబాటులో ఉంటానన్నారు.
News February 17, 2026
రైళ్ల టాయిలెట్ల శుభ్రతకు ఏఐ టెక్నాలజీ
రైళ్లలో అపరిశుభ్రతకు కేరాఫ్ అడ్రస్గా టాయిలెట్లు ఉంటాయి. ఈ సమస్య పరిష్కారానికి రైల్వే శాఖ కసరత్తు చేస్తోంది. రిజర్వ్, జనరల్ బోగీల్లోనూ గంటకోసారి శుభ్రం చేసేలా AIని వాడుతోంది. తొలిదశలో 100 రైళ్లలో ప్రారంభించినట్లు చీఫ్ ప్రాజెక్ట్ ఇంజినీర్ లక్ష్మణ్ తెలిపారు. ‘క్లీనింగ్కు ముందు, తర్వాత ఫొటోలను మొబైల్ యాప్లో సిబ్బంది అప్లోడ్ చేయాలి. వాటిలో ఏ మాత్రం తేడా ఉన్నా AI అప్రమత్తం చేస్తుంది’ అని చెప్పారు.
News February 16, 2026
మిర్యాలగూడలో 22 ఏళ్లకే వార్డు కౌన్సిలర్గా ఎన్నిక
మిర్యాలగూడ మున్సిపాలిటీలో అతి చిన్న వయసులో కౌన్సిలర్గా ఎన్నికయ్యారు. పట్టణంలోని 26వ వార్డు నుంచి పోదిల నిక్షిత్(22) స్వతంత్ర అభ్యర్థిగా పోటీ చేసి గెలుపొందారు. 22 ఏళ్ల వయసులో డిగ్రీ పూర్తి చేశారు. ఆయన మాట్లాడుతూ.. తన తండ్రి వెంకన్న ప్రజలకు చేస్తున్న సేవలకు ఆకర్షితులై రాజకీయాలకు వచ్చినట్లు తెలిపారు. ప్రజలకు అందుబాటులో ఉంటూ వార్డు సమస్యల పరిష్కారానికి కృషి చేస్తానన్నారు.