News August 12, 2024

‘కరెంట్’ షాక్.. రూ.20 లక్షల బిల్లు!

గుజరాత్‌లోని నవసరీ ప్రాంతంలో ఓ కుటుంబానికి ‘విద్యుత్’ షాక్ తగిలింది. గత నెలకు ఏకంగా రూ.20 లక్షల కరెంటు బిల్లు వచ్చింది. ‘ఇంట్లో ఓ రిఫ్రిజిరేటర్, టీవీ, నాలుగేసి బల్బులు, ఫ్యాన్లు ఉన్నాయి. ముగ్గురం రోజంతా పనిమీద బయటే ఉంటాం. రూ.2500కి మించి ఎప్పుడూ బిల్లు రాలేదు’ అని కుటుంబీకులు ఆందోళన వ్యక్తం చేశారు. కాగా.. పొరపాటు జరిగిందని, తప్పును సరిదిద్దామని గుజరాత్ విద్యుత్ బోర్డు వివరణ ఇచ్చింది.