News September 1, 2024

హాస్టల్‌లో మృతి చెందిన IPS అధికారి కూతురు

image

లక్నోలోని రామ్‌మనోహర్ లోహియా నేషనల్ లా వర్సిటీలో చదువుతున్న IPS అధికారి కుమార్తె అకస్మాత్తుగా మరణించడం కలకలం రేపింది. LLB థర్డ్ ఇయర్ చదువుతున్న అనికా రస్తోగీ(19) హాస్టల్ గదిలో అపస్మారక స్థితిలో పడిఉండగా, సహచర విద్యార్థులు ఆస్పత్రికి తరలించారు. అప్పటికే ఆమె చనిపోయినట్లు వైద్యులు తెలిపారు. ఆమె తండ్రి సంతోష్ రస్తోగీ NIAలో IG హోదాలో పనిచేస్తున్నారు. అనికా మృతిపై దర్యాప్తు జరుగుతోంది.

Similar News

News November 30, 2025

చాపరాలపల్లి పంచాయతీ ఎన్నికకు బ్రేక్

image

ములకలపల్లి మండలం చాపరాలపల్లి గ్రామ పంచాయతీ ఎన్నికలకు<<18427987>> హైకోర్టు స్టే<<>> విధించింది. తదుపరి ఆదేశాలు వచ్చేంత వరకు ఎన్నికల నోటీసు జారీ చేయకూడదని కలెక్టర్ జితేష్ వి.పాటిల్ ఆదేశాలిచ్చారు. చాపరాలపల్లి ఏజెన్సీ ప్రాంతం కాదని, మైదాన ప్రాంతమని ములకలపల్లి ప్రాంతానికి చెందిన పర్వతనేని అమర్నాథ్ హైకోర్టులో రిప్ పిటిషన్ దాఖలు చేశారు. కేసు విచారణలో ఉండడంతో ఎన్నికల ప్రక్రియ నిలిపివేయాలని కలెక్టర్ ఆదేశించారు.

News November 30, 2025

20% పెరిగిన ‘ఇసుక’ ఆదాయం

image

TG: ఇసుక అమ్మకాలతో ప్రభుత్వానికి వచ్చే ఆదాయం గత ఏడాదితో పోలిస్తే 20% పెరిగింది. 2023-24లో ₹654.58Cr, 2024-25లో ₹738.74Cr ఆదాయం వచ్చినట్లు అధికారులు వెల్లడించారు. ప్రస్తుత ఆర్థిక సంవత్సరంలో ఇప్పటివరకు 138.07L మెట్రిక్ టన్నుల ఇసుక విక్రయించగా ₹600Cr వచ్చినట్లు పేర్కొన్నారు. మరో 4నెలల్లో ఈ మొత్తం ₹1000Crకు చేరుతుందని అంచనా. డిమాండ్‌కు తగ్గ సరఫరా, అక్రమాలకు అడ్డుకట్టతో ఆదాయం పెరిగినట్లు చెబుతున్నారు.

News November 30, 2025

రాష్ట్రంలో 3 జోన్లు.. ప్రభుత్వం కీలక నిర్ణయం

image

AP: అన్నిప్రాంతాల అభివృద్ధే లక్ష్యంగా జోనల్ వ్యవస్థ ఏర్పాటుకు ఏపీ ప్రభుత్వం నిర్ణయించింది. 9 జిల్లాలతో విశాఖ, 8 జిల్లాలతో అమరావతి, 9 జిల్లాలతో రాయలసీమ జోన్‌లను నెలకొల్పనుంది. సీఎం చంద్రబాబు నేతృత్వంలో స్టీరింగ్ కమిటీ ఏర్పాటుకానుంది. విశాఖ జోన్‌కు యువరాజ్, అమరావతికి మీనా, రాయలసీమకు కృష్ణబాబును సీఈవోలను ప్రభుత్వం నియమించనుంది. త్వరలోనే ఉత్తర్వులు వెలువడనున్నాయి.