News November 2, 2024
డెమోక్రాట్లకు తగ్గుతున్న భారతీయ అమెరికన్ల మద్దతు
అమెరికాలోని 52 లక్షల మంది భారతీయ అమెరికన్లలో ఈసారి అధ్యక్ష ఎన్నికల్లో 26 లక్షల మంది అర్హులు ఓటు వేయనున్నారు. గతంలో ఉదారవాద భావాలున్న డెమోక్రాట్లకు వీరు అనుకూలంగా ఉన్నారు. అయితే క్రమేణా వారికి దూరమవుతున్నట్టు సర్వేలు చెబుతున్నాయి. 2020 ఎన్నికల్లో 56% మంది డెమోక్రాట్లకు మద్దతు ఇవ్వగా, 2024లో 47% మాత్రమే సపోర్ట్ చేస్తున్నట్టు ఇండియన్ అమెరికన్ ఆట్టిట్యూడ్స్ సర్వేలో తేలింది.
Similar News
News January 7, 2026
సంచలనం.. చేతులు కలిపిన బీజేపీ-కాంగ్రెస్
ప్రధాన ప్రత్యర్థులైన BJP-INC ఓ స్థానిక ఎన్నిక కోసం చేతులు కలపడం చర్చనీయాంశమైంది. మహారాష్ట్రలోని అంబర్నాథ్ మున్సిపల్ కౌన్సిల్ ఎన్నికలో ఈ విచిత్రం జరిగింది. అక్కడ 60స్థానాలకుగాను శివసేన(షిండే) 27 సీట్లతో అతిపెద్ద పార్టీగా అవతరించి మ్యాజిక్ ఫిగర్కు 4సీట్ల దూరంలో ఆగిపోయింది. దీంతో BJP(14), INC(12), అజిత్ NCP(4), ఇద్దరు ఇండిపెండెంట్ల మద్దతుతో BJP అభ్యర్థి తేజశ్రీ అధ్యక్ష పీఠాన్ని చేజిక్కించుకున్నారు.
News January 7, 2026
ట్రంప్ నోటి దురుసు.. ప్రభుత్వ మౌనంపై ప్రతిపక్షాల మండిపాటు!
‘భారత్ నన్ను సంతోషపెట్టాలి. అందుకు వాళ్లు ప్రయత్నిస్తున్నారు. నేను విధించిన టారిఫ్స్ వల్ల మోదీ అసంతృప్తిగా ఉన్నారు’ అంటూ ట్రంప్ చేసిన వ్యాఖ్యలు ఇప్పుడు రాజకీయంగా దుమారం రేపుతున్నాయి. వీటిపై భారత ప్రభుత్వం మౌనం వహించడంపై ప్రతిపక్షాలు మండిపడుతున్నాయి. ‘ఎందుకు భయపడుతున్నారు? దేశ గౌరవాన్ని తాకట్టు పెడుతున్నారా?’ అని ప్రశ్నిస్తున్నాయి. ప్రభుత్వం స్పందించకపోవడంతో విమర్శల వేడి పెరుగుతోంది.
News January 7, 2026
ఐబొమ్మ రవి బెయిల్ పిటిషన్లు కొట్టివేత
TG: నాంపల్లి కోర్టులో ఐబొమ్మ రవికి బిగ్ షాక్ తగిలింది. 5 కేసుల్లో ఆయన దాఖలు చేసిన బెయిల్ పిటిషన్లను న్యాయస్థానం కొట్టేసింది. అతడికి విదేశాల్లో పౌరసత్వం ఉందని, బెయిల్ ఇస్తే దేశం దాటి పోయే అవకాశం ఉందని పోలీసులు వాదించారు. వారి వాదనలతో ఏకీభవించిన న్యాయస్థానం రవి బెయిల్ పిటిషన్లను కొట్టివేసింది.