News October 11, 2025
భారత తొలి మెంటల్ హెల్త్ అంబాసిడర్‌గా దీపికా పదుకొణె
హీరోయిన్ దీపికా పదుకొణె భారత తొలి మెంటల్ హెల్త్ అంబాసిడర్‌గా నియమితులయ్యారు. నిన్న వరల్డ్ మెంటల్ హెల్త్ డే సందర్భంగా కేంద్రం ఈ విషయాన్ని వెల్లడించింది. హెల్త్ మినిస్టర్ నడ్డాతో భేటీ అయిన ఫొటోలను దీపిక SMలో పోస్ట్ చేశారు. ఈ బాధ్యతలు తీసుకోవడం చాలా గౌరవంగా భావిస్తున్నట్లు చెప్పారు. ప్రజలకు మానసిక ఆరోగ్యంపై అవగాహన కల్పించడం, టెలీ మానస్ వంటి స్కీమ్‌లను ప్రమోట్ చేయడంలో ఆమె కేంద్రంతో కలిసి పనిచేస్తారు.
Similar News
News October 11, 2025
రికార్డులు తిరగరాస్తున్న యువ సంచలనం
టెస్టుల్లో భారత యువ సంచలనం యశస్వీ జైస్వాల్ దూసుకెళ్తున్నారు. అతడు అరంగేట్రం చేసినప్పటి నుంచి ఇప్పటివరకు టెస్టుల్లో ఎక్కువ రన్స్ చేసి శభాష్ అనిపించుకుంటున్నారు. జైస్వాల్ 48 ఇన్నింగ్సుల్లో 7 సెంచరీలతో 2,418 రన్స్ చేయగా రూట్ (ఇంగ్లండ్) 44 ఇన్నింగ్సుల్లో 2,307 పరుగులు చేశారు. ఆ తర్వాత డకెట్ 1,835, గిల్ 1,796, బ్రూక్ 1,792, పోప్ 1,471 ఉన్నారు.
News October 11, 2025
peace deal: ట్రంప్ అల్లుడిదే కీలక పాత్ర!
ఇజ్రాయెల్-హమాస్ మధ్య పీస్ డీల్ తొలిదశ అమల్లోకి వచ్చిన విషయం తెలిసిందే. ఈ ఒప్పందం వెనుక ట్రంప్ అల్లుడు జారెడ్ కుష్నర్‌‌దే కీ రోల్ అని సమాచారం. చర్చలకు హమాస్ ఓకే చెప్పినా.. ఇజ్రాయెల్ తొలుత అంగీకరించలేదు. దీంతో రాయబారి స్టీవ్ విట్కాఫ్‌తో కలిసి కుష్నర్ రంగంలోకి దిగారు. తన వ్యాపార అనుభవంతో నెతన్యాహుతో పలుమార్లు మాట్లాడి ఒప్పించారు. తర్వాతి దశ చర్చల్లోనూ కుష్నర్ పాల్గొంటారని వైట్‌హౌస్ వర్గాలు తెలిపాయి.
News October 11, 2025
హార్దిక్ GF మహిక గురించి తెలుసా?
క్రికెటర్ హార్దిక్ పాండ్య గర్ల్ ఫ్రెండ్ మహికా శర్మ(24) సినిమాల్లో నటించడంతో పాటు మోడలింగ్ చేస్తున్నారు. తనిష్క్, వివో, Uniqlo వంటి బ్రాండ్ల ప్రకటనలతో పాటు పలు మ్యూజిక్ వీడియోలు, ఇండిపెండెంట్ ఫిల్మ్స్‌లో నటించారు. ఇన్‌స్టాలో ఫిట్‌నెస్, మోడలింగ్‌కు సంబంధించిన పోస్టులు పెడుతుంటారు. ఎకనామిక్స్&ఫైనాన్స్‌లో డిగ్రీ చేశారు. ఇండియన్ ఫ్యాషన్ అవార్డ్స్‌లో మోడల్ ఆఫ్ ది ఇయర్‌గా నిలిచారు.