News August 5, 2024

ఆ వాట్సాప్ గ్రూపులను తొలగించండి: ప్రభుత్వం

AP: తమ క్లస్టర్ పరిధిలో గ్రామ, వార్డు వాలంటీర్లు క్రియేట్ చేసిన వాట్సాప్, టెలిగ్రామ్ గ్రూపులను వెంటనే తొలగించాలని ప్రభుత్వం కలెక్టర్లను ఆదేశించింది. ఆ గ్రూపుల నుంచి వైదొలిగేలా ప్రజలకూ అవగాహన కల్పించాలంది. ప్రభుత్వం నుంచి ఎలాంటి ఆదేశాలు లేకుండానే ఆ గ్రూపులు పెట్టినట్లు తమ దృష్టికి వచ్చినట్లు ఉత్తర్వుల్లో పేర్కొంది. తొలగించిన వివరాలను సోమవారం సాయంత్రం 5 గంటల్లోపు తమకు తెలియజేయాలని స్పష్టం చేసింది.