News February 16, 2025

ఢిల్లీ రైల్వే స్టేషన్ ఘటన దిగ్భ్రాంతిని కలిగించింది: PM మోదీ

image

ఢిల్లీ రైల్వే స్టేషన్‌లో చోటుచేసుకున్న తొక్కిసలాట ఘటన పట్ల ప్రధాని మోదీ ట్విటర్లో తీవ్ర దిగ్భ్రాంతిని వ్యక్తం చేశారు. ‘సన్నిహితుల్ని కోల్పోయినవారికి నా ప్రగాఢ సానుభూతి. క్షతగాత్రులు వేగంగా కోలుకోవాలని కోరుకుంటున్నాను. బాధితులకు అధికారులు సహాయ సహకారాలు అందిస్తున్నారు’ అని పేర్కొన్నారు. అటు రక్షణమంత్రి రాజ్‌నాథ్ సింగ్ కూడా ఘటనపై ఆవేదన వ్యక్తం చేశారు. ఆ వార్త తనను కలచివేసిందని తెలిపారు.

Similar News

News November 30, 2025

థైరాయిడ్ పేషెంట్లకు ఆర్థరైటిస్‌ ముప్పు

image

థైరాయిడ్ పేషెంట్లు, గతంలో అబార్షన్ అయిన మహిళలకు ఆర్థరైటిస్‌ ముప్పు ఎక్కువని నిపుణులు చెబుతున్నారు. ఆకలి తగ్గడం, జ్వరం, నీరసం, బరువు తగ్గడం వంటి లక్షణాలు కనిపిస్తాయి. ప్రధానంగా కీళ్లలో నొప్పి, వాపు, ఎర్రగా అవడం, కదలిక తగ్గడం, ఇతర అవయవాలపై ప్రభావం చూపించడం జరుగుతుంది. దీనిని నయం చేయలేము గానీ మంచి ఆహారం, వ్యాయామం, మందుల ద్వారా తీవ్రతను తగ్గించుకోవచ్చని నిపుణులు చెబుతున్నారు.

News November 30, 2025

మోదీ-షా దుష్ట రాజకీయాలు: కాంగ్రెస్

image

నేషనల్ హెరాల్డ్ కేసులో సోనియా, రాహుల్ గాంధీపై కొత్త FIR <<18428982>>నమోదు <<>>చేయడంపై కాంగ్రెస్ తీవ్రంగా స్పందించింది. కేంద్రం ప్రతీకార రాజకీయాలు చేస్తోందని ఆరోపించింది. ‘కాంగ్రెస్ నాయకత్వంపై వేధింపులు, బెదిరింపులు, ప్రతీకార చర్యలతో కూడిన దుష్ట రాజకీయాలను మోదీ-షా ద్వయం కొనసాగిస్తోంది. నేషనల్ హెరాల్డ్ వ్యవహారం బోగస్ కేసు. న్యాయమే గెలుస్తుంది’ అని కాంగ్రెస్ ప్రధాన కార్యదర్శి జైరాం రమేశ్ ట్వీట్ చేశారు.

News November 30, 2025

టెస్టుల్లోకి కోహ్లీ రీఎంట్రీ?

image

టెస్టు క్రికెట్‌లో IND వరుస ఓటముల నేపథ్యంలో BCCI కీలక నిర్ణయం తీసుకున్నట్లు సమాచారం. విరాట్ కోహ్లీ రిటైర్మెంట్ నిర్ణయాన్ని వెనక్కు తీసుకోవాలని కోరే అవకాశం ఉందని Cricbuzz వెల్లడించింది. తన నిర్ణయాన్ని మార్చుకునేందుకు ఓ ఆటగాడు సిద్ధంగా ఉన్నట్లు పేర్కొంది. కాగా కోహ్లీ, రోహిత్, అశ్విన్, పుజారా లాంటి సీనియర్ల రిటైర్మెంట్ తర్వాత టీమ్ దెబ్బతిన్నట్లు విశ్లేషకులు చెబుతున్నారు.