News May 18, 2024
ధోనీ అన్నీ రహస్యంగా ఉంచుతారు: హస్సీ
ఎంఎస్ ధోనీ ఈ సీజన్ తర్వాత రిటైరవుతారా? సీఎస్కే బ్యాటింగ్ కోచ్ హస్సీ ఈ విషయంపై తాజాగా స్పందించారు. ‘ధోనీ అన్నీ రహస్యంగా ఉంచుతారు. రిటైర్మెంట్‌పై అందరికీ ఎంత తెలుసో నాకూ అంతే తెలుసు. జట్టైతే ఆయన ఇంకొన్ని సీజన్లు ఆడాలని కోరుకుంటోంది. మోకాలి సమస్య తప్పితే తన బ్యాటింగ్ ఇంకా అద్భుతమే. నెట్స్‌లోనూ అందరికంటే ఎక్కువగా సాధన చేస్తున్నారు. మరి ఏం నిర్ణయం తీసుకుంటారో ఆయన చేతిలోనే ఉంది’ అని స్పష్టం చేశారు.
Similar News
News January 12, 2025
లాస్ ఏంజెలిస్ కార్చిచ్చులో బాలీవుడ్ నటి
లాస్ ఏంజెలిస్‌లో ఏర్పడిన కార్చిచ్చులో బాలీవుడ్ స్టార్ నటి ప్రీతి జింటా చిక్కుకున్నారు. అక్కడి పరిస్థితులను వివరిస్తూ ఆమె ట్వీట్ చేశారు. ‘చుట్టూ జరుగుతోన్న విధ్వంసం చూసి భయాందోళనకు గురయ్యాం. చిన్న పిల్లలు, వృద్ధులతో చాలా మంది పొరుగువారు ఇళ్లను వదిలి వెళ్లిపోయారు. ఇవన్నీ చూసి నేను హృదయవిదారకంగా ఉన్నా. మమ్మల్ని సురక్షితంగా ఉంచినందుకు దేవుడికి & అగ్నిమాపక సిబ్బందికి కృతజ్ఞతలు’ అని ట్వీట్ చేశారు.
News January 12, 2025
కేటీఆర్‌ను నేనేం పొగడలేదు: దానం
TG: <<15124836>>తాను కేటీఆర్‌ను పొగిడానంటూ<<>> వచ్చిన వార్తలపై దానం నాగేందర్ స్పందించారు. ‘హైదరాబాద్ ఇమేజ్‌ను చంద్రబాబు, వైఎస్ పెంచారు. బీఆర్ఎస్, కేటీఆర్ నగరానికి చేసిందేం లేదు. హైడ్రా విషయంలో నా మాట మీదే ఉన్నా. దాని వల్ల ప్రజల్లో వ్యతిరేకత వస్తుంది. ఆ విషయంలో ప్రభుత్వం పునరాలోచించాలి. ఫార్ములా-ఈ కారు రేసుతో హైదరాబాద్ ఇమేజ్ పెరిగింది. అలా అని నేను కేటీఆర్‌కు క్లీన్ సర్టిఫికెటేం ఇవ్వడం లేదు’ అని తెలిపారు.
News January 12, 2025
LOS ANGELES: కార్చిచ్చు ఆర్పేందుకు నీళ్లూ కరవు..!
లాస్ ఏంజెలిస్‌లో కార్చిచ్చు మరింత ఉద్ధృతమవుతోంది. నగరం వైపుగా భీకర గాలులు వీస్తుండటంతో మంటలు ఒక చోట నుంచి మరో చోటుకు వ్యాపిస్తున్నాయి. మంటలు ఆర్పేందుకు అక్కడ తీవ్ర నీటి కొరత ఏర్పడింది. కొన్ని చోట్ల అధికారులు ట్యాంకర్లతో నీటిని తరలించి మంటలు అదుపు చేస్తున్నారు. కాగా కొందరు హాలీవుడ్ స్టార్లు వారికి కేటాయించిన దానికంటే అదనంగా నీటిని వాడుకుని గార్డెన్లు పెంచుతున్నారని ఆరోపణలు వస్తున్నాయి.