News June 6, 2024
నాలుగైదు రోజులపాటు ఆ షాక్ నుంచి తేరుకోలేదు: రోహిత్
వన్డే WC ఫైనల్లో ఓటమి తర్వాత నాలుగైదు రోజుల పాటు షాక్ నుంచి తేరుకోలేకపోయానని టీమ్‌ఇండియా కెప్టెన్ రోహిత్ శర్మ ఓ ఇంటర్వ్యూలో చెప్పుకొచ్చారు. ‘ఫైనల్ జరిగిన తర్వాత రోజు నిద్ర లేచా. ఆ రాత్రి మనం ఓడిపోయినట్లు కల వచ్చింది. మరుసటి రోజు ఫైనల్ అనుకొని నిజంగా ఇలాగే జరుగుతుందా అని నా భార్య రితికాను అడిగా. కాసేపటికే తేరుకొని మనం ఓడిపోయామని గ్రహించా’ అని వెల్లడించారు.
Similar News
News November 28, 2024
LOWEST RECORD: 42 పరుగులకే శ్రీలంక ఆలౌట్
సౌతాఫ్రికాతో తొలి టెస్టు ఫస్ట్ ఇన్నింగ్స్‌లో శ్రీలంక కేవలం 42 పరుగులకే ఆలౌట్ అయ్యింది. కమిందు మెండిస్(13), లహిరు కుమార(10) మాత్రమే రెండంకెల స్కోర్ చేశారు. ఐదుగురు బ్యాటర్లు డకౌట్ అయ్యారు. లంకకు ఇదే అత్యల్ప స్కోరు. 2006లో PAK చేతిలో 73కు ఆలౌటైంది. SA బౌలర్లలో జాన్సెన్ 7 వికెట్లతో లంకేయులను ముప్పుతిప్పలు పెట్టారు. కొయెట్జీ 2, రబాడ 1 వికెట్ తీశారు. ఫస్ట్ ఇన్నింగ్స్‌లో SA 191 రన్స్ చేసింది.
News November 28, 2024
అప్పుడు అభిమానిగా.. ఇప్పుడు తోటి ఆటగాడిగా..
నితీశ్ కుమార్ రెడ్డి కోహ్లీకి వీరాభిమాని. 2018లో BCCI అవార్డులకు హాజరైన నితీశ్ విరాట్‌తో సెల్ఫీకి చాలా ట్రై చేశారు. కుదరలేదు. దూరం నుంచే విరాట్, తాను ఒకే ఫ్రేమ్‌లో ఉండేలా సెల్ఫీ తీసుకుని సంతోషపడ్డారు. కట్ చేస్తే.. 2024లో విరాట్ 81వ సెంచరీ సెలబ్రేషన్లో తానూ భాగమయ్యారు. సెంచరీ పూర్తవగానే తన హీరోని హగ్ చేసుకున్నారు. ఆ ఫొటోలు వైరల్ అవుతున్నాయి. ఇది కదా సక్సెస్ అంటూ నెటిజన్లు కామెంట్ చేస్తున్నారు.
News November 28, 2024
నాపై కేసుల వెనుక కుట్ర: RGV
తనపై కేసుల విషయంలో దర్శకుడు RGV ట్విటర్‌లో పాయింట్ల రూపంలో ఆసక్తికర వ్యాఖ్యలు చేశారు. ‘నేను ఎక్కడికీ పారిపోలేదు. ఏడాది క్రితం చేసిన ట్వీట్లపై 2 వారాల క్రితం 4 వేర్వేరు జిల్లాల్లో కేసు పెట్టడం వెనుక ఏదో కుట్ర ఉందనేది నా అనుమానం. మీమ్స్‌పై కేసులు పెట్టాలంటే దేశంలో సగంమందిపై కేసులుంటాయి. మీడియా కాల్స్ భరించలేకే ఫోన్ ఆపేశాను. చట్టాన్ని గౌరవిస్తా. కానీ నా హక్కులు నాకున్నాయి’ అని ట్వీట్ చేశారు.