News December 3, 2024
పుష్ప-2ను రిలీజ్ చేయొద్దు.. MLA డిమాండ్
‘పుష్ప’ సినిమాపై ఆర్మూర్ బీజేపీ MLA రాకేశ్ రెడ్డి సంచలన వ్యాఖ్యలు చేశారు. ‘పుష్ప సినిమాలో చూపించింది అంతా అబద్ధం. ఎర్రచందనం రూ.10 లక్షలుంటే రూ.కోటిలాగా చూపించారు. దీంతో యువకులు లక్షలాది చెట్లను నరికేశారు. ఇప్పుడు పుష్ప-2తో ఇంకెన్ని చెట్లు నరికేస్తారో? ఆ సినిమాతో యువత పాడవుతోంది. అల్లు అర్జున్, సుకుమార్లను అరెస్టు చేసి, జైల్లో వేయాలి. ఆ మూవీని రిలీజ్ చేయొద్దు’ అని ఓ ఇంటర్వ్యూలో డిమాండ్ చేశారు.
Similar News
News March 5, 2026
421 పోస్టులు.. దరఖాస్తుకు 3 రోజులే అవకాశం
బ్యాంక్ ఆఫ్ బరోడా(BOB)లో 421 పోస్టులకు అప్లై చేయడానికి 3రోజులే(మార్చి 8) అవకాశం ఉంది. పోస్టును బట్టి డిగ్రీ, MBA/PGDM, CA/CFA/CMA అర్హతతో పాటు పని అనుభవం గలవారు అప్లై చేసుకోవచ్చు. అప్లికేషన్ స్క్రూట్నీ, ఆన్లైన్ టెస్ట్, సైకోమెట్రిక్ టెస్ట్, గ్రూప్ డిస్కషన్/ఇంటర్వ్యూ ఆధారంగా ఎంపిక చేస్తారు. వెబ్సైట్: https://bankofbaroda.bank.in/
News March 5, 2026
రాష్ట్రానికి భారీ వర్షసూచన!
TG: రాష్ట్రంలో ఈ నెల 18/19 తర్వాత మరోసారి అన్సీజనల్ రెయిన్స్కు ఆస్కారముందని వాతావరణ నిపుణులు అంచనా వేస్తున్నారు. గత నెల 23-24 తేదీల్లో కురిసిన వర్షాల కంటే భారీగా ఉంటాయని పేర్కొన్నారు. అయితే అప్పటి వరకూ ఎండలు తీవ్రంగా ఉంటాయని, 40+°C టెంపరేచర్ నమోదయ్యే ఛాన్స్ ఉందని తెలిపారు. హైదరాబాద్లో 36-37°C మధ్య ఉష్ణోగ్రత ఉంటుందని అంచనా వేశారు.
News March 5, 2026
ట్రంప్కు షాక్.. వసూలు చేసిన టారిఫ్స్ రిఫండ్!
అమెరికా అధ్యక్షుడు ట్రంప్నకు US ట్రేడ్ కోర్ట్ షాకిచ్చింది. కంపెనీల నుంచి వసూలు చేసిన అదనపు టారిఫ్ల మొత్తాన్ని తిరిగి చెల్లించాలని ఆదేశించింది. ఎమర్జెన్సీ పవర్ లా కింద టారిఫ్స్ చెల్లించిన అన్ని కంపెనీలకు ఇది వర్తిస్తుందని, రిఫండ్కు వారు అర్హులని స్పష్టం చేసింది. ఈ మొత్తం $175B ఉంటుందని అంచనా. కాగా అంతకుముందు ట్రంప్ టారిఫ్స్ను US సుప్రీంకోర్టు రద్దు చేసిన సంగతి తెలిసిందే.