News October 22, 2024
ఈ నంబర్ల నుంచి వచ్చే మెసేజ్‌లకు స్పందించవద్దు: TDP
AP: మంత్రి నారా లోకేశ్ టీమ్ అంటూ సాయం పేరుతో ఫేక్ ఎన్నారై టీడీపీ పేర్లతో మోసగాళ్లు స్కాంలు చేస్తున్నారని టీడీపీ తెలిపింది. +1(208)6482504, 8977038602 నంబర్ల నుంచి వచ్చే మెసేజ్‌లకు స్పందించవద్దని ప్రజలకు సూచించింది. ఎవరైనా డబ్బులు అడిగితే వెంటనే పోలీసులకు ఫిర్యాదు చేయాలంది. ఇప్పటికే ఫేక్ నంబర్లతో మోసగిస్తున్న వారిపై సైబర్ క్రైమ్ విభాగం దర్యాప్తు చేస్తోందని ట్వీట్ చేసింది.
Similar News
News October 22, 2024
కొత్త పీఆర్‌సీ సిఫార్సులు అమలు చేయాలి: ఉద్యోగుల జేఏసీ
TG: కొత్త పీఆర్‌సీ సిఫార్సులు అమలు చేయాలనే డిమాండ్‌తో రాష్ట్ర ప్రభుత్వ ఉద్యోగుల జేఏసీ కార్యాచరణను ప్రకటించింది. ఈనెల 28న సీఎం, సీఎస్‌కు, నవంబర్ 2న కలెక్టర్లు, 4, 5 తేదీల్లో ప్రజాప్రతినిధులకు కార్యాచరణ లేఖలు ఇవ్వనుంది. నవంబర్ 7 నుంచి డిసెంబర్ 27 వరకు ఉమ్మడి జిల్లాల వారీగా సదస్సులు, వచ్చే ఏడాది జనవరి 3, 4 తేదీల్లో నల్ల బ్యాడ్జీలతో నిరసనలు, JAN 23న బైక్ ర్యాలీలు, 30న మానవహారాలు నిర్వహించనుంది.
News October 22, 2024
టెస్టుల్లో మళ్లీ ఆడేందుకు సిద్ధం: డేవిడ్ వార్నర్
టెస్టుల నుంచి రిటైరైన ఆస్ట్రేలియా ఓపెనర్ డేవిడ్ వార్నర్ తన సేవలు అవసరమైతే బోర్డర్ గవాస్కర్ ట్రోఫీలో రీఎంట్రీ ఇవ్వడానికి సిద్ధమని ఓ ఇంటర్వ్యూలో తెలిపారు. సాధన కోసం షెఫీల్డ్ షీల్డ్‌లో ఆడతానని పేర్కొన్నారు. వార్నర్ రిటైర్మెంట్ తర్వాత టెస్టుల్లో ఆస్ట్రేలియాకు స్మిత్ ఓపెనింగ్ చేస్తుండగా, BGTకి ఆ స్థానం నుంచి తప్పుకొన్నారు. ఓపెనింగ్ స్థానానికి ఖాళీ ఏర్పడిన నేపథ్యంలో వార్నర్ తాజాగా ఈ వ్యాఖ్యలు చేశారు.
News October 22, 2024
ఫ్రీ మీల్స్‌తో క్రియేటివిటీ, కోఆపరేష‌న్: సుంద‌ర్ పిచ్చాయ్
ఆఫీసులో ఫ్రీ మీల్స్ ఏర్పాటుతో ఉద్యోగుల్లో సృజ‌నాత్మ‌క‌త, స‌హకార ధోర‌ణి పెరుగుతాయని ఆల్ఫాబెట్ CEO సుంద‌ర్ పిచ్చాయ్ అన్నారు. ఉద్యోగంలో చేరిన తొలి నాళ్ల‌లో కేఫేలో ఇత‌రులతో చర్చల వల్ల ప‌నిప‌ట్ల ఉత్సుక‌త పెరిగి క్రియేటివిటీ ప‌నితీరుకు దోహదం చేసేద‌ని పేర్కొన్నారు. గూగుల్ కొత్త ఐడియాస్ సంస్థ‌లోని కేఫే చ‌ర్చ‌ల్లో పుట్టుకొచ్చిన‌వే అని వివ‌రించారు. ఫ్రీ మీల్స్‌తో ఖర్చుల కంటే ప్రయోజనాలు ఎక్కువన్నారు.