News November 25, 2024
రాబిన్ మింజ్ గురించి తెలుసా?
ముంబై ఇండియన్స్ ఝార్ఖండ్‌కు చెందిన విధ్వంసకర బ్యాటర్, కీపర్ రాబిన్ మింజ్‌ను రూ.65 లక్షలకు దక్కించుకుంది. గతంలో మినీ వేలంలో ఇతడిని గుజరాత్ టైటాన్స్ రూ.3.6 కోట్లకు కొనుగోలు చేసింది. అయితే మెగా టోర్నీకి ముందు బైక్ యాక్సిడెంట్ కావడంతో సీజన్ మొత్తానికి దూరమయ్యారు. ఆ తర్వాత రీఎంట్రీ ఇచ్చి దేశవాళీ టోర్నమెంట్లలో అదరగొట్టడంతో ముంబై దృష్టిని ఆకర్షించారు. ఇతడికి ‘ఝార్ఖండ్ గేల్’ అనే పేరు ఉంది.
Similar News
News November 25, 2024
దావూద్‌తో ప్రాణహాని వల్లే దేశం విడిచా: లలిత్ మోదీ
దావూద్ ఇబ్ర‌హీం నుంచి ప్రాణ హాని వల్లే దేశం విడిచినట్లు IPL మాజీ ఛైర్మ‌న్ లలిత్ మోదీ తెలిపారు. మ్యాచ్ ఫిక్సింగ్, అవినీతి వంటి అక్ర‌మ వ్య‌వ‌హారాల‌పై త‌న‌కున్న జీరో టోల‌రెన్స్ పాల‌సీ కార‌ణంగా దావూద్ త‌న‌ను టార్గెట్ చేశాడని రాజ్‌ ష‌మానీ పాడ్‌కాస్ట్ ఇంట‌ర్వ్యూలో లలిత్ వెల్లడించారు. త‌న హ‌త్య‌కు దావూద్ వ్యూహాత్మక ప్రయత్నాలు చేశాడని, దీనిపై ఆధారాలు కూడా ఉన్నాయన్నారు. అందుకే దేశం విడిచానన్నారు.
News November 25, 2024
పట్నం నరేందర్‌రెడ్డి పిటిషన్‌పై తీర్పు రిజర్వ్
TG: మాజీ MLA పట్నం నరేందర్‌రెడ్డి దాఖలు చేసిన పిటిషన్‌పై హైకోర్టులో ఇవాళ వాదనలు జరిగాయి. లగచర్ల ఘటనకు సంబంధించి తనపై 3 కేసులు నమోదు చేశారని ఆయన కోర్టును ఆశ్రయించారు. ఒక ఘటనపై వేర్వేరు కేసులు నమోదు చేయొద్దని సుప్రీం తీర్పులను పిటిషనర్ తరఫు న్యాయవాది ప్రస్తావించారు. దాడి ఆధారంగా పోలీసులు ఆ కేసులు నమోదు చేశారని ఏఏజీ కోర్టుకు వివరించారు. ఇరువైపులా వాదనలు విన్న కోర్టు తీర్పును రిజర్వ్ చేసింది.
News November 25, 2024
లౌకిక, సామాజిక పదాలను తొలగించాలన్న PILs తిరస్కరించిన సుప్రీంకోర్టు
రాజ్యాంగ పీఠికలో లౌకిక, సామాజిక పదాలను తొలగించాలన్న 3 పిటిషన్లను సుప్రీంకోర్టు తిరస్కరించింది. రాజ్యాంగంతో పాటు పీఠికనూ సవరించే అధికారం పార్లమెంటుకే ఉందని CJI సంజీవ్ ఖన్నా, జస్టిస్ PV సంజయ్ ధర్మాసనం స్పష్టం చేసింది. ఎమర్జెన్సీ అమల్లో ఉన్నప్పుడు 42వ సవరణ ద్వారా ఇందిరాగాంధీ ఈ 2 పదాలను పీఠికలో చేర్చారు. వీటిని తొలగించాలని మాజీ MP సుబ్రహ్మణ్య స్వామి సహా కొందరు లాయర్లు పిటిషన్లు దాఖలు చేశారు.