News February 21, 2025
రాత్రిపూట లైట్ ఆన్ చేసుకునే నిద్రపోతున్నారా?
చాలామందికి రాత్రి లైట్ ఆన్ చేసుకుని నిద్రపోయే అలవాటు ఉంటుంది. ఈ అలవాటు ఉన్న వారికి అనారోగ్య ముప్పు ఉంటుందని నిపుణులు హెచ్చరిస్తున్నారు. చీకటిలో నిద్రపోయే వారి కంటే వెలుగులో నిద్రపోయేవారికి ఊబకాయం ముప్పు ఎక్కువగా ఉంటుంది. అలాగే చిరాకు, మానసిక కల్లోలం, డిప్రెషన్ కూడా వచ్చే ప్రమాదం ఉంది. రక్తంలో చక్కెర స్థాయులు పెరిగి మధుమేహం రావచ్చు. అధిక రక్తపోటు, గుండె జబ్బులూ వచ్చే అవకాశం ఉంది.
Similar News
News February 22, 2025
ఐకానిక్ టవర్ నిర్మాణం కోసం కమిటీ
AP: అమరావతిలో NRT సొసైటీ ఐకాన్ టవర్ ప్రాజెక్ట్ నిర్మాణం కోసం రాష్ట్ర ప్రభుత్వం ఓ కమిటీ వేసింది. మంత్రి కొండపల్లి శ్రీనివాస్ అధ్యక్షుడిగా ఉండే ఈ కమిటీలో 9 మంది అధికారులు సభ్యులుగా ఉండనున్నారు. ఈ ప్రాజెక్టు నిర్మాణం పూర్తి చేసే బాధ్యతను ఈ కమిటీకి అప్పగిస్తూ ప్రభుత్వం ఉత్తర్వులు జారీ చేసింది. కాగా అమరావతికి ఒక ప్రత్యేక గుర్తింపును తీసుకొచ్చేందుకు ఈ ప్రాజెక్టును సర్కార్ నిర్మిస్తోంది.
News February 22, 2025
ఒక్క గంట నడిస్తే 6 గంటల ఆయుష్షు పెరుగుద్ది!
నడక ఆరోగ్యానికి మంచిదని వైద్యులు చెప్తున్నా కొందరు అడుగు తీసి అడుగేయరు. తాజా అధ్యయనంలో రోజులో ఒక గంట నడిస్తే 6 గంటల ఆయుష్షు పెరుగుతుందని తేలింది. సాధారణ వ్యక్తులు తమ పనికి మరో గంట నడకను జోడిస్తే 6.3 గంటల ఆయుష్షును పెంచుకున్నట్లేనని వెల్లడైంది. నడక కండరాల బలాన్ని & ఎముకల ఆరోగ్యాన్ని మెరుగుపరుస్తుందని వైద్యులు చెబుతున్నారు. అధిక బరువు, డయాబెటిస్, గుండెపోటు తగ్గించేందుకు నడక అవసరమంటున్నారు. SHARE IT
News February 21, 2025
కేంద్ర హోంశాఖ కీలక ఆదేశాలు
తెలంగాణలో డీజీగా ఉన్న అంజనీకుమార్‌ను వెంటనే రిలీవ్ చేయాలని కేంద్ర హోంశాఖ ఆదేశాలిచ్చింది. అంజనీ కుమార్ ఏపీ క్యాడర్ ఐపీఎస్ అధికారిగా ఉన్నారు. ఆయనతో పాటు TG పోలీస్ అకాడమీ డైరెక్ట‌ర్‌ అభిలాష బిస్త్, కరీంనగర్ సీపీ అభిషేక్ మహంతిని రిలీవ్ చేయాలని ఆదేశించింది. ఏపీ క్యాడర్‌లో రిపోర్టు చేయాలని ఈ ముగ్గురికి ఆదేశాలు జారీ చేసింది.