News January 1, 2025
అధికారికంగా వేడుకలేవీ చేయొద్దు: ఏపీ
AP: దేశవ్యాప్తంగా మాజీ ప్రధాని మన్మోహన్ సంతాప దినాలు జరుగుతున్న సంగతి తెలిసిందే. ఈ నేపథ్యంలో అధికారికంగా ఎటువంటి వేడుకల్లోనూ పాల్గొనవద్దని ఏపీ సర్కారు కలెక్టర్లు, ఎస్పీలకు ఆదేశాలు జారీ చేసింది. న్యూ ఇయర్‌కు కేక్ కటింగ్ వంటి సెలబ్రేషన్స్ చేయొద్దని సూచించింది. సాధారణ రోజుల్లో ఎలా ఉంటారో అలాగే వ్యవహరించాలని పేర్కొంది. సంతాపదినాలయ్యే వరకూ తమ ఆదేశాలు అమల్లో ఉంటాయని స్పష్టం చేసింది.
Similar News
News November 30, 2025
ఇండియన్ల వల్ల అమెరికా లబ్ధి పొందింది: మస్క్
ప్రతిభావంతులైన ఇండియన్ల నుంచి US ఎంతో ప్రయోజనం పొందిందని టెస్లా అధినేత ఎలాన్ మస్క్ అన్నారు. జెరోధా కోఫౌండర్ నిఖిల్ కామత్ పాడ్‌కాస్ట్‌లో ఆయన మాట్లాడారు. విదేశీయులు తమ జాబ్స్ దోచుకుంటున్నారని కొందరు అమెరికన్లు భావించడం ఎంతవరకు నిజమో తనకు తెలియదన్నారు. ‘ప్రతిభావంతుల కొరత ఎప్పుడూ ఉంటుంది. కష్టమైన పనులు చేసేందుకు వాళ్లు ఉండాలి’ అని తెలిపారు. H-1B ప్రోగ్రామ్‌లో కొంత దుర్వినియోగం జరిగిందని చెప్పారు.
News November 30, 2025
ALERT.. రేపు అతిభారీ వర్షాలు
AP: రాష్ట్రంలో రేపు నెల్లూరు, తిరుపతిలో భారీ నుంచి అతిభారీ వర్షాలు కురుస్తాయని APSDMA ఎండీ ప్రఖర్ జైన్ తెలిపారు. కోనసీమ, ప.గో., కృష్ణా, గుంటూరు, బాపట్ల, పల్నాడు, ప్రకాశం, కడప, అన్నమయ్య, చిత్తూరు జిల్లాల్లో మోస్తరు నుంచి భారీ వర్షాలు పడతాయన్నారు. అటు కాకినాడ, తూ.గో., ఏలూరు, NTR, కర్నూలు, నంద్యాల, శ్రీసత్యసాయి, అనంతపురంలో తేలికపాటి నుంచి మోస్తరు వర్షాలు కురిసే ఛాన్స్ ఉంది’ అని పేర్కొన్నారు.
News November 30, 2025
ఆపరేషన్ సిందూర్ ఇంకా కొనసాగుతోంది: నేవీ చీఫ్
ఆపరేషన్ సిందూర్ ఇప్పటికీ కొనసాగుతోందని నేవీ చీఫ్ అడ్మిరల్ దినేశ్ త్రిపాఠి తెలిపారు. ముందస్తు హెచ్చరికలు లేకుండానే ఘర్షణలు చెలరేగవచ్చని హెచ్చరించారు. 24 గంటలూ సిద్ధంగా ఉండాలని, అన్ని దళాల్లో వైమానిక రక్షణ అవసరమని అన్నారు. పాకిస్థాన్ నేవీ తమ హార్బర్లకే పరిమితం అయ్యేలా చేశామని వెల్లడించారు. సముద్ర మార్గాలను కాపాడుతూ ఇండో పసిఫిక్ అంతటా నేవీ కార్యకలాపాలు కొనసాగిస్తోందని చెప్పారు.