News July 12, 2024
స్మృతీ ఇరానీని అవమానించొద్దు: రాహుల్ గాంధీ
ప్రజలను అవమానించడం బలం కాదని, వారి బలహీనతకు నిదర్శనమని ప్రతిపక్ష నేత రాహుల్ గాంధీ చెప్పారు. అమేథీలో ఓడిన కేంద్ర మాజీ మంత్రి స్మృతీ ఇరానీ లేదా ఇతర నేతలపై అసభ్యకర వ్యాఖ్యలు చేయడం మానుకోవాలని అందరికీ సూచించారు. జీవితంలో గెలుపోటములు సహజమన్నారు. కాగా 2019లో రాహుల్‌పై అమేథీలో గెలిచిన స్మృతి.. 2024లో కిశోర్ లాల్ శర్మ చేతిలో ఓడారు. దీంతో కొన్ని రోజులుగా కాంగ్రెస్ అభిమానులు ఆమెపై విమర్శలు చేస్తున్నారు.
Similar News
News November 30, 2025
VMMCSHలో 266 పోస్టులు
న్యూఢిల్లీలోని V.M.M.కాలేజీ &సఫ్దార్‌జంగ్ హాస్పిటల్(VMMCSH) 266 జూనియర్ రెసిడెంట్ పోస్టులకు దరఖాస్తులు కోరుతోంది. పోస్టును బట్టి ఎంబీబీఎస్, బీడీఎస్ అర్హత గల అభ్యర్థులు రేపటివరకు అప్లై చేసుకోవచ్చు. దరఖాస్తు ఫీజు రూ.1000, ఎస్సీ, ఎస్టీ, దివ్యాంగులకు ఫీజు లేదు. రాత పరీక్ష డిసెంబర్ 14న నిర్వహిస్తారు. ఎంపికైన వారికి నెలకు రూ.56,100 చెల్లిస్తారు. వెబ్‌సైట్: https://vmmc-sjh.mohfw.gov.in
News November 30, 2025
చలికాలంలో లంగ్స్ హెల్త్ కోసం ఈ ఫుడ్స్ తినండి
చలికాలంలో లంగ్స్ హెల్తీగా ఉండాలంటే యాంటీ-ఆక్సిడెంట్లు ఎక్కువగా లభించే ఆహారం తీసుకోవాలని న్యూట్రిషనిస్టులు చెబుతున్నారు. బ్రోకలీలోని సల్ఫారఫేన్ బెంజీన్‌ను తొలగిస్తుంది. ఉసిరి, టమాటాల్లోని విటమిన్ C, ఆవాల ఆకుల్లోని A, C విటమిన్లు, అల్లం-పచ్చి పసుపులోని యాంటీ ఇన్‌ఫ్లమేటరీ గుణాలు, రామాఫలం, ఫ్లాక్స్ సీడ్స్‌లోని ఒమేగా-3 రోగనిరోధక శక్తిని పెంచి లంగ్స్ హెల్తీగా ఉండడంలో సహాయపడతాయి.
News November 30, 2025
కరెంట్ ఛార్జీల పెంపు లేనట్లే
TG: 2026-27 ఆర్థిక సంవత్సరంలో కరెంట్ ఛార్జీలు పెంచొద్దని డిస్కమ్‌లు (TGSPDCL, TGNPDCL) నిర్ణయం తీసుకున్నాయి. వచ్చే ఏడాదికి సంబంధించిన ఏఆర్ఆర్, టారిఫ్ ప్రతిపాదనలను ఎలక్ట్రిసిటీ రెగ్యులేటరీ కమిషన్(TGERC)లో దాఖలు చేశాయి. ఎలక్షన్ కోడ్ ముగియగానే వీటిపై ERC నోటిఫికేషన్ ఇచ్చి సలహాలు, సూచనలు స్వీకరించనుంది. బహిరంగ విచారణ అనంతరం టారిఫ్ ఆర్డర్ ఇస్తుంది. 2026 APR 1 నుంచి కొత్త ఛార్జీలు అమలవుతాయి.