News December 3, 2024
బంగ్లాలో కాషాయ వస్త్రాలు ధరించొద్దు: ఇస్కాన్ ప్రతినిధి
బంగ్లాదేశ్లోని ఇస్కాన్ గురువులు, హిందువులు కాషాయ వస్త్రాలు ధరించొద్దని, బొట్టు పెట్టుకోవద్దని కోల్కతా ఇస్కాన్ ప్రతినిధి రాధారమణ్ దాస్ తెలిపారు. ఆలయాలు, ఇళ్ల వరకే మత విశ్వాసాలను పరిమితం చేయాలన్నారు. ఒకవేళ బయటకు వెళ్లాల్సి వస్తే దుస్తులు కనిపించకుండా మెడ భాగాన్ని, బొట్టు కనబడకుండా తలను కవర్ చేసుకోవాలని సూచించారు. బంగ్లాలో హిందువులపై దాడుల ఘటనలు చోటు చేసుకుంటున్న నేపథ్యంలో ఆయన ఈ పిలుపునిచ్చారు.
Similar News
News February 10, 2026
పోలవరానికి రూ.32వేల కోట్లు ఇవ్వాలి: సీఎం
AP: సీఎం చంద్రబాబు ఢిల్లీలో కేంద్ర మంత్రి CR పాటిల్తో భేటీ అయ్యారు. పోలవరానికి సంబంధించి స్టాప్ వర్క్ ఆర్డర్ను శాశ్వతంగా ఎత్తేయాలని కోరారు. ఈ ప్రాజెక్టుకు అదనంగా ₹32K కోట్లు ఇవ్వాలన్నారు. ‘నల్లమల సాగర్ ప్రాజెక్టుకు అనుమతులు, నిధులు మంజూరు చేయాలి. AP-ఒడిశా మధ్య వంశధార నీటి వివాదాన్ని పరిష్కరించాలి. కృష్ణాపై కర్ణాటక చేపడుతున్న ఆల్మట్టి డ్యామ్ ఎత్తు పెంపు పనులను అడ్డుకోవాలి’ అని విజ్ఞప్తి చేశారు.
News February 10, 2026
ఎప్స్టీన్తో మస్క్, జుకర్బర్గ్.. ‘వైల్డ్’ డిన్నర్ ఫొటో వైరల్!
ఎప్స్టీన్ ఫైల్స్ టెక్ ప్రపంచాన్ని షేక్ చేస్తున్నాయి. 2015లో ఎప్స్టీన్ ఏర్పాటు చేసిన ఓ ‘వైల్డ్’ డిన్నర్లో మస్క్, జుకర్బర్గ్ పాల్గొన్నట్లు ఓ ఫొటో బయటపడింది. ఎప్స్టీన్ స్వయంగా తన మెయిల్లో దీని గురించి ప్రస్తావిస్తూ వారితో డిన్నర్ అదిరిపోయిందని రాసుకున్నాడు. అంతేకాదు గతంలో మస్క్ తన గర్ల్ఫ్రెండ్తో కలిసి ఎప్స్టీన్ ప్రైవేట్ ఐలాండ్లో పార్టీ ఎప్పుడు ఉంటుందని అడిగిన మెయిల్స్ కూడా బయటకొచ్చాయి.
News February 10, 2026
సపోటాలో చెక్క తెగులు – నివారణకు సూచనలు
చెక్క తెగులు ఆశించిన సపోటా చెట్ల కొమ్మలు వంకరులు తిరిగిపోతాయి. ఆకులు రాలిపోయి.. కొమ్మలు ఎండిపోయిన చెక్కలుగా మారతాయి. ఈ తెగులును గుర్తించిన వెంటనే కొమ్మలను కత్తిరించి లీటరు నీటికి 3గ్రాముల కాపర్ ఆక్సీక్లోరైడ్ లేదా 2.5 గ్రాముల మాంకోజెబ్ను కలిపి పిచికారీ చేసుకోవాలి. మొక్కల్లో ఇనుప ధాతు లోపం లేకుండా ఉండేందుకు 2గ్రాముల ఫెర్రస్ సల్ఫేట్, 1గ్రాము నిమ్మ ఉప్పును లీటరు నీటిలో కలిపి పిచికారీ చేయాలి.