News July 9, 2024
58 బంతుల్లో సెంచరీ చేసిన డుప్లెసిస్
యూఎస్ వేదికగా జరుగుతున్న మేజర్ లీగ్ క్రికెట్(MCL)లో టెక్సాస్ సూపర్ కింగ్స్ కెప్టెన్ డుప్లెసిస్ సెంచరీ బాదారు. వాషింగ్టన్ ఫ్రీడమ్ జట్టుతో జరిగిన మ్యాచులో 58 బంతుల్లోనే శతకం నమోదు చేశారు. డుప్లెసిస్ ఇన్నింగ్సులో 12 ఫోర్లు, 5 సిక్సర్లు ఉన్నాయి. నిర్ణీత 20 ఓవర్లలో టెక్సాస్ 203 పరుగులు చేసింది. ఛేదనలో ఫ్రీడమ్ జట్టు 4 ఓవర్లలో 62 పరుగులు చేయగా వర్షం కురవడంతో మ్యాచ్ రద్దైంది.
Similar News
News January 18, 2025
సైఫ్‌పై దాడిలో ఆధారాలు గుర్తింపు: ఫడ్నవీస్
బాలీవుడ్ నటుడు సైఫ్ అలీ ఖాన్‌పై దాడి ఘటనలో పోలీసులు కొన్ని ఆధారాలను గుర్తించినట్లు మహారాష్ట్ర సీఎం దేవేంద్ర ఫడ్నవీస్ వెల్లడించారు. సీసీటీవీ ఫుటేజీల ఆధారంగా నిందితుడి చిత్రాలను స్పష్టంగా కనుగొన్నట్లు పేర్కొన్నారు. దర్యాప్తు కొనసాగుతోందని, అతి త్వరలోనే నిందితుడిని పోలీసులు పట్టుకుంటారని చెప్పారు. కాగా బాలీవుడ్ స్టార్లపై వరుస దాడుల నేపథ్యంలో మహా ప్రభుత్వంపై విమర్శలు వెల్లువెత్తిన సంగతి తెలిసిందే.
News January 18, 2025
నేడు రాష్ట్రానికి అమిత్ షా
AP: కేంద్ర హోం మంత్రి అమిత్ షా ఇవాళ రాష్ట్రానికి రానున్నారు. సాయంత్రం గన్నవరం చేరుకొని అక్కడి నుంచి ఉండవల్లి వెళ్లి చంద్రబాబు నివాసంలో విందుకు హాజరుకానున్నారు. అనంతరం విజయవాడలోని హోటల్‌లో బస చేయనున్నారు. రేపు గన్నవరంలో సమీపంలోని NIDM సెంటర్, ఎన్డీఆర్ఎఫ్ 10వ బెటాలియన్ ప్రాంగణాలను ఆయన ప్రారంభిస్తారు. ఈ క్రమంలో డిప్యూటీ సీఎం పవన్‌తోనూ సమావేశం కానున్నట్లు తెలుస్తోంది.
News January 18, 2025
ముడా కేసులో సిద్ధ రామయ్యకు ఈడీ షాక్
ముడా మనీ లాండరింగ్ కేసులో కర్ణాటక సీఎం సిద్ధ రామయ్యకు ఈడీ షాక్ ఇచ్చింది. ఆయనతో పాటు ఇతరులకు చెందిన రూ.300 కోట్ల విలువైన 142 ఆస్తులను అటాచ్ చేసినట్లు ఓ ప్రకటనలో తెలిపింది. ఇప్పటికే ఈ కేసులో సిద్ధరామయ్యను విచారించాలని గవర్నర్ ఆదేశాలు జారీ చేశారు. మరోవైపు తాను ఎలాంటి తప్పు చేయలేదని, విపక్షాలు తనపై రాజకీయ కక్షతోనే కుట్ర పన్నారని సీఎం చెబుతున్నారు.