News September 28, 2025
దుర్గమ్మ దర్శనం.. రూ.300, రూ.100 టికెట్లు రద్దు
AP: నవరాత్రి ఉత్సవాల సందర్భంగా విజయవాడ కనకదుర్గమ్మను దర్శించుకునేందుకు భక్తులు పోటెత్తుతున్నారు. ఈ నేపథ్యంలో భక్తులకు ఇబ్బందులు లేకుండా రూ.300, రూ.100 టికెట్స్ పూర్తిగా రద్దు చేశారు. రానున్న 5 రోజులపాటు అన్ని క్యూలైన్లలో భక్తులకు ఉచిత దర్శనం కల్పించనున్నట్లు అధికారులు చెప్పారు. కాగా రూ.500 టికెట్స్ను ముందే రద్దు చేశారు. ఆలయ ఆదాయం రూ.3 కోట్లకు పైగా పడిపోయే అవకాశం ఉందని అంటున్నారు.
Similar News
News February 9, 2026
ఏపీలో పెరుగుతున్న టీనేజీ ప్రెగ్నెన్సీలు
AP: రాష్ట్రంలో టీనేజీ ప్రెగ్నెన్సీలు పెరుగుతున్నట్లు పాపులేషన్ మేనేజ్మెంట్ సర్వేలో వెల్లడైంది. సగటున 8.8 శాతం టీనేజీ ప్రెగ్నెన్సీలు నమోదవుతున్నట్లు గణాంకాలు చెబుతున్నాయి. కుప్పం నియోజకవర్గంలో అత్యధికంగా 14.9%, నెల్లూరు, పల్నాడు, ప్రకాశం, అనంతపురం, బాపట్ల, కర్నూలు జిల్లాల్లో 12% కంటే ఎక్కువ ప్రెగ్నెన్సీలు రికార్డయినట్లు హెల్త్ సెక్రటరీ సౌరభ్ గౌర్ వెల్లడించారు. అత్యల్పంగా విశాఖలో 3.96%గా ఉంది.
News February 9, 2026
వైకుంఠ పరివారమే ఈ చతుర్విధ అవతారాలు!
ధర్మ సంస్థాపన కోసం విష్ణువు త్రేతాయుగంలో రాముడిగా అవతరించాడు. అయితే విష్ణువు ఒక్కడే కాకుండా ఆయనకు నిరంతరం తోడుగా ఉండే ఆయుధాలు, వాహనం కూడా రాముని సోదరులుగా జన్మించాయి. రాముడు సాక్షాత్తు విష్ణుమూర్తి అవతారం కాగా ఆయనకు నీడలా ఉండే లక్ష్మణుడు విష్ణువు శయ్య అయిన ఆదిశేషుడి అంశతో జన్మించాడు. భరతుడు విష్ణువు చేతిలోని పాంచజన్యం(శంఖం) అవతారం. శత్రుఘ్నుడు దుష్టసంహారానికి వాడే సుదర్శన చక్రం అంశతో జన్మించాడు.
News February 9, 2026
‘స్పిరిట్’ నుంచి తప్పుకోలేదు: ప్రకాశ్ రాజ్
ప్రభాస్ ‘స్పిరిట్’ సినిమా నుంచి తాను తప్పుకున్నట్లు జరుగుతున్న ప్రచారాన్ని నటుడు ప్రకాశ్ రాజ్ ఖండించారు. అది ఫేక్ న్యూస్ అని స్పష్టం చేశారు. ‘నా సీన్లకు సంబంధించి ఇంకా షూటింగే స్టార్ట్ చేయలేదు. అప్పుడే స్టోరీలు రాసేస్తున్నారు’ అని Xలో పోస్ట్ చేశారు. కాగా డైరెక్టర్ సందీప్ రెడ్డి వంగాతో క్రియేటివ్ డిఫరెన్సెస్ కారణంగా ప్రకాశ్ రాజ్ ఈ మూవీ నుంచి తప్పుకున్నట్లు వార్తలొచ్చిన సంగతి తెలిసిందే.