News February 18, 2025
జగన్ పర్యటనకు EC అనుమతి నిరాకరణ
AP: YCP అధినేత జగన్ రేపు ఉ.10.30గంటలకు గుంటూరులోని మిర్చి యార్డుకు వెళ్లి గిట్టుబాటు ధర లేక అల్లాడుతున్న రైతులకు అండగా నిలబడతారని ఆ పార్టీ ట్వీట్ చేసింది. పెట్టుబడి రాలేదని మిర్చి రైతులు దిగాలు చెందారని, వారితో మాట్లాడి భరోసా కల్పిస్తారని పేర్కొంది. మిర్చి రైతులకు కూటమి ప్రభుత్వం కన్నీరు మిగిల్చిందని ఆరోపించింది. అయితే MLC ఎన్నికల కోడ్ అమల్లో ఉన్నందున జగన్ పర్యటనకు ఈసీ అనుమతి నిరాకరించింది.
Similar News
News January 30, 2026
అధిక దిగుబడినిచ్చే మరికొన్ని మేలైన కొబ్బరి రకాలు
ఆంధ్రప్రదేశ్లో బొండానికి, టెంకాయకు మేలైన కొబ్బరి రకాలు.
☛ ఈస్ట్కోస్ట్ టాల్: ఇది దేశవాళి పొడవు రకం. నాటిన 6 ఏళ్లలో కాపునకు వస్తుంది. చెట్టుకు ఏడాదికి 80-100 కాయల దిగుబడి వస్తుంది. కొబ్బరిలో నూనె దిగుబడి 64 శాతం.
☛ గౌతమి గంగ: ఇది పొట్టి రకం. నీటి బొండాలకు బాగా ఉపయోగపడుతుంది. నాటిన 3-4 ఏళ్లలో కాపునకు వస్తుంది. చెట్టుకు ఏడాదికి 85-90 కాయల దిగుబడి వస్తుంది. కాయలో నూనె దిగుబడి 69 శాతం.
News January 30, 2026
మేడారం జాతర.. నేడు సెలవు
TG: మేడారం జాతర సందర్భంగా ఇవాళ ఉమ్మడి వరంగల్ జిల్లాలోని ప్రభుత్వ, ప్రైవేట్ స్కూళ్లకు సెలవు ఉంటుందని అధికారులు ప్రకటించారు. దీనికి బదులుగా ఫిబ్రవరి 14న (రెండో శనివారం) పనిదినంగా పరిగణించనున్నట్లు తెలిపారు. కాగా జాతరకు ఇతర జిల్లాల నుంచి కూడా భక్తులు వెళ్లనున్న నేపథ్యంలో రాష్ట్ర వ్యాప్తంగా సెలవులు ఇవ్వాలన్న డిమాండ్ వినిపిస్తోంది. కాగా జాతర రేపటితో ముగియనుంది.
News January 30, 2026
ఈ నూనెలతో స్కిన్ సేఫ్
శీతాకాలం రాగానే చర్మం తన సహజతేమను కోల్పోయి పొడిబారిపోతుంది. ఇలా కాకుండా ఉండాలంటే మొక్కల నుంచి తీసిన నూనెలు వాడాలని సూచిస్తున్నారు నిపుణులు. వీటిలోని ఫ్యాటీ యాసిడ్లు, యాంటీ ఆక్సిడెంట్లు, విటమిన్లు చర్మంపై రక్షణ కవచంలా ఏర్పడతాయి. ముఖ్యంగా జొజొబా ఆయిల్, స్వీట్ ఆల్మండ్ ఆయిల్, ఆర్గాన్ ఆయిల్, రోజ్షిప్ ఆయిల్, కొబ్బరి నూనెలు చర్మాన్ని సంరక్షించడంలో కీలకంగా పనిచేస్తాయంటున్నారు.