News February 21, 2025
BBC ఇండియాకు ఈడీ భారీ ఫైన్
బ్రిటిష్ మీడియా సంస్థ BBC ఇండియాకు ED రూ.3.4కోట్లకు పైగా ఫైన్ వేసింది. విదేశీ ప్రత్యక్ష పెట్టుబడి(FDI), FEMA నిబంధనలు ఉల్లంఘించిందని 2023లో ఆ సంస్థకు ED షోకాజ్ నోటీసులిచ్చింది. తాజాగా, ఈ కేసు విచారణకు రాగా సంస్థతో పాటు ముగ్గురు డైరెక్టర్స్‌‌కు రూ.1.14కోట్ల చొప్పున ఫైన్ విధించింది. భారత్‌లో డిజిటల్ మీడియా FDI 26% మించకూడదనేది నిబంధన. BBC దీన్ని పట్టించుకోలేదని ED చర్యలు తీసుకుంది.
Similar News
News November 11, 2025
కొవిడ్ లాక్డౌన్.. వారికి కొత్త ద్వారాలు తెరిచింది
కరోనా లాక్డౌన్ వీరి జీవితాన్ని మార్చేసింది. లండన్‌లో BBA చదువుతున్న ఆయుష్, దుబాయ్‌లో బ్యాంక్ ఉద్యోగిగా పనిచేస్తున్న రిషబ్ ఇండియాకు తిరిగివచ్చారు. స్వదేశంలోనే ఉండాలని, వ్యవసాయం చేయాలని నిర్ణయించుకున్నారు. ఫ్యామిలీ ప్రోత్సాహంతో కూరగాయల సాగును ప్రారంభించి.. పుట్టగొడుగులకు ఉన్న డిమాండ్ చూసి వాటిని కూడా ఉత్పత్తి చేస్తూ ఆగ్రా సహా ఇతర రాష్ట్రాల మార్కెట్లు, హోటల్స్‌కు అందిస్తూ కోట్లు సంపాదిస్తున్నారు.
News November 11, 2025
UGC-NET దరఖాస్తులో తప్పుల సవరణకు అవకాశం
అసిస్టెంట్ ప్రొఫెసర్, JRFకోసం నిర్వహించే UGC-NET డిసెంబర్ 2025 దరఖాస్తులో తప్పుల సవరణకు NTA అవకాశం కల్పించింది. దరఖాస్తు చేసుకున్న అభ్యర్థులు నవంబర్ 12న సవరణ చేసుకోవచ్చని ప్రకటించింది. అభ్యర్థుల పేరు, జెండర్, ఫొటో, సంతకం, మొబైల్ నంబర్, ఈ- మెయిల్, అడ్రస్, పరీక్ష సిటీ మార్చుకోవచ్చు. పరీక్షలు డిసెంబర్ 31 నుంచి జనవరి 7 వరకు రోజుకు రెండు సెషన్లలో జరగనున్నాయి.
News November 11, 2025
పద్మాసనంలో దర్శనమిచ్చే ఆంజనేయుడు
కర్ణాటక హంపిలో ఉన్న యంత్రోద్ధారక హనుమాన్ ఆలయం చాలా ప్రత్యేకం. ఇక్కడ ఆంజనేయుడు నిలబడే రూపంలో కాకుండా, పద్మాసనంలో కూర్చుని దర్శనమిస్తాడు. విజయనగర సామ్రాజ్య రాజగురువు అయిన వ్యాసరాజ తీర్థులు ఈ ఆలయాన్ని స్థాపించారు. ఈ స్వామి చుట్టూ ఓ పవిత్రమైన యంత్రం కూడా ఉంటుంది. ఇది చాలా శక్తివంతమైన రేఖాచిత్రం అని నమ్ముతారు. ఈ రూపం హనుమంతుని ధ్యాన శక్తి, జ్ఞానం, స్థిరమైన భక్తికి ప్రతీకగా పూజలందుకుంటోంది. <<-se>>#Temple<<>>