News December 16, 2024

రేపు లోక్‌స‌భ‌లో జ‌మిలి ఎన్నిక‌ల బిల్లు

image

దేశంలో జ‌మిలి ఎన్నిక‌ల నిర్వ‌హ‌ణ‌కు సంబంధించిన‌ బిల్లును కేంద్రం మంగ‌ళ‌వారం లోక్‌స‌భ‌లో ప్ర‌వేశ‌పెట్ట‌నుంది. ప‌లు రాజ్యాంగ స‌వ‌ర‌ణ‌లు అవ‌స‌ర‌మైన నేప‌థ్యంలో న్యాయ శాఖ రూపొందించిన ముసాయిదా బిల్లును ఇటీవ‌ల కేంద్ర క్యాబినెట్ ఆమోదించిన విష‌యం తెలిసిందే. బిల్లు ఆమోదానికి 361 మంది ఎంపీల బ‌లం అవ‌స‌రం. తదుప‌రి లోక్‌స‌భ‌లో దీనిపై జ‌ర‌గ‌నున్న చ‌ర్చ‌పై స‌ర్వ‌త్రా ఆస‌క్తి నెల‌కొంది.

Similar News

News November 30, 2025

NLG: మొదటి విడత 318 సర్పంచి స్థానాలకు 2,374 నామినేషన్లు

image

గ్రామపంచాయతీ ఎన్నికల మొదటి విడత నామినేషన్లు ప్రక్రియ శనివారం ముగిసింది. చివరి రోజు ఆశావాహులు పెద్ద సంఖ్యలో నామినేషన్లు దాఖలు చేశారు. నల్లగొండ, చండూరు రెవిన్యూ డివిజన్ పరిధిలో 14 మండలాల్లోని 318 సర్పంచి స్థానాలకు 2,374 నామినేషన్లు, 2,870 వార్డు సభ్యుల స్థానాలకు 7,239 నామినేషన్లు దాఖలు అయ్యాయి. ఆదివారం నామినేషన్లను పరిశీలించనున్నారు. డిసెంబర్ 11న ఎన్నికలు జరగనున్నాయి.

News November 30, 2025

ఈ కలుపు మందులతో వయ్యారిభామ నిర్మూలన

image

వయ్యారిభామ నిర్మూలనకు పంట మొలకెత్తక ముందు అట్రాజిన్ రసాయన మందును లీటర్ నీటికి నాలుగు గ్రాములు కలిపి పిచికారీ చేయాలి. పంట మొలకెత్తిన 15 నుంచి 20 రోజులకు.. లీటరు నీటికి 2 గ్రాముల 2,4-డి సోడియం సాల్ట్ కలిపి పిచికారీ చేయాలి. బంజరు భూముల్లో లీటరు నీటికి 5 గ్రాముల అట్రాజిన్ మందు కలిపి పిచికారీ చేసి వయ్యారిభామను నివారించవచ్చు. కలుపు నివారణ మందులను పిచికారీ చేసేటప్పుడు పక్క పంటలపై పడకుండా జాగ్రత్తపడాలి.

News November 30, 2025

కల్తీ నెయ్యి కేసు.. మరో 12 మంది నిందితులు

image

AP: కల్తీ నెయ్యి కేసులో మరో 12 మంది అధికారులను నిందితులుగా చేర్చుతూ సిట్ నెల్లూరు ఏసీబీ కోర్టులో మెమో దాఖలు చేసింది. ఈ విషయం ఆలస్యంగా వెలుగులోకి వచ్చింది. వారిలో టీటీడీ ప్రొక్యూర్‌మెంట్ విభాగం మాజీ జీఎం సుబ్రహ్మణ్యం ఇప్పటికే అరెస్టయ్యారు. మిగతా వారిలో ఆరుగురు టీటీడీ అధికారులు, ఐదుగురు డెయిరీ నిపుణులున్నారు. ప్లాంట్లు తనిఖీ చేయకుండానే లంచాలు తీసుకుని అనుకూల నివేదికలు ఇచ్చారని సిట్ ఆరోపించింది.