News January 28, 2025
ELR: పోలీసులమంటూ రూ.20 లక్షలు కొట్టేశారు..!
ఓ రిటైర్డ్ ఉద్యోగినే మోసం చేసిన వైనం ఇది. వట్లూరుకు చెందిన మైన్స్ డిపార్ట్‌మెంట్‌ రిటైర్డ్ డీడీ రంగారావు(67)కు ఈనెల 21న బెంగళూరు వ్యక్తి ఫోన్ చేశాడు. ‘ఉద్యోగాల పేరుతో మోసం చేసిన వ్యక్తిని అరెస్ట్ చేస్తే.. అతని వెనుక మీరున్నట్లు తేలింది. ఈ కేసు నుంచి తప్పించాలంటే రూ.20లక్షలు ఇవ్వండి’ అని చెప్పడంతో రంగారావు ట్రాన్స్‌ఫర్ చేశారు. తర్వాత ఫోన్ కలవకపోవడంతో బాధితుడు ఏలూరు త్రీటౌన్ పోలీసులను ఆశ్రయించారు.
Similar News
News November 30, 2025
నల్గొండ: పంచాయతీ ఎన్నికల్లో కాంగ్రెస్‌కు రెబల్స్ ఫీవర్
నల్గొండ జిల్లాలో తొలిదశ గ్రామ పంచాయతీ ఎన్నికలకు నామినేషన్ల స్వీకరణ పూర్తి కాగా, అధికార కాంగ్రెస్‌‌కి రెబల్ అభ్యర్థుల రూపంలో తొలి దశలోనే పెద్ద తలనొప్పి మొదలైంది. పలు సర్పంచి స్థానాల్లో కాంగ్రెస్ వర్గీయులే పార్టీ అభ్యర్థులకు వ్యతిరేకంగా నామినేషన్లు దాఖలు చేయించడం కలకలం సృష్టించింది. ఒక సర్పంచి స్థానంలో అధికారిక అభ్యర్థితో పాటు, ఇద్దరు రెబల్స్ బరిలోకి దిగడంతో ఆ గ్రామంలో త్రిముఖ పోటీ నెలకొంది.
News November 30, 2025
చాయ్.. పానీ.. కార్యకర్తలతో కలిసి టీ తాగిన మంత్రి పొన్నం
సిరిసిల్ల పర్యటనకు వెళ్లే క్రమంలో మంత్రి పొన్నం ప్రభాకర్ కార్యకర్తలతో కలిసి వేములవాడ నంది కమాన్ వద్ద చాయ్ తాగుతూ పిచ్చాపాటిగా ముచ్చటించారు. ప్రభుత్వ విప్ ఆది శ్రీనివాస్, కాంగ్రెస్ నాయకులు ఆకారపు భాస్కర రెడ్డి, బొమ్మ శ్రీరామ్ చక్రవర్తి తదితరులతో కలిసి స్థానిక కార్యకర్తలతో ముచ్చటిస్తూ ఇక్కడి స్థితిగతులను అడిగి తెలుసుకున్నారు.
News November 30, 2025
పామును చంపిన తర్వాత తలను ఎందుకు నలగగొడతారు?
పామును చంపాక దాని తలను నలగగొడుతుంటారు. ఎందుకని అడిగితే.. పాము కళ్లు హంతకుడిని గుర్తుంచుకుని, మరో జన్మలో పగ తీర్చుకుంటాయని చెబుతారు. కానీ, ఇది నిజం కాదు. దీని వెనుక ఓ శాస్త్రం ఉంది. పాము చనిపోయిన తర్వాత కూడా దాని తల కదలగలదు. దాడి చేయగలదు. అది కాటేస్తే మన ప్రాణాలు కూడా పోవచ్చు. అలాంటి ప్రమాదాలు జరగకుండా నివారించడానికి, దాని తలను పూర్తిగా నలగగొట్టాలని మన పెద్దలు సూచించారు.