News March 2, 2025
SLBC టన్నెల్ దగ్గరికి ఎమర్జెన్సీ అంబులెన్సులు
TG: ఎస్‌ఎల్‌బీసీ టన్నెల్ దగ్గరికి ఆక్సిజన్, ఎమర్జెన్సీ అంబులెన్సులు చేరుకున్నాయి. ఘటనా స్థలానికి ఫొరెన్సిక్ నిపుణులు కూడా చేరుకున్నారు. ఇవాళ సాయంత్రానికి కార్మికుల ఆచూకీ తెలుసుకునే అవకాశం ఉన్నట్లు తెలుస్తోంది. సొరంగంలో చిక్కుకుపోయిన కార్మికుల కోసం అత్యాధునిక పరికరాలతో గాలింపు చేపట్టారు. అనుమానిత ప్రాంతాల్లో డ్రిల్లింగ్ చేస్తున్నారు. కాగా కొందరు టీబీఎమ్ అడుగుభాగాన ఇరుక్కుపోయి ఉండవచ్చని సమాచారం.
Similar News
News November 23, 2025
కోనసీమ కష్టాలకు పవన్ ‘బ్రేక్’ వేస్తారా?
కోనసీమ కొబ్బరి రైతులు కన్నీరు పెడుతున్నారు. మలికిపురం ప్రాంతంలో ఒకవైపు తెగుళ్లు, మరోవైపు ఆక్వా సాగుతో పెరిగిన ఉప్పునీటి ప్రభావం కారణంగా పచ్చని కొబ్బరి చెట్లు నిలువునా ఎండిపోతున్నాయి. తోటలు నాశనమవుతుండటంతో రైతులు తీవ్ర ఆందోళన చెందుతున్నారు. ఈ సమస్యను పరిష్కరించేందుకు 26న ఉపముఖ్యమంత్రి పవన్ కళ్యాణ్ ఇక్కడ పర్యటించనున్నారు. పవన్ తమ సమస్యలు పరిష్కరిస్తారని రైతులు కొండంత ఆశలు పెట్టుకున్నారు.
News November 23, 2025
రాష్ట్ర బ్రాండ్ ఇమేజ్ పెంచేలా గ్లోబల్ సమ్మిట్‌
DEC 8, 9 తేదీల్లో ఫ్యూచర్ సిటీలో TG ప్రభుత్వం నిర్వహిస్తున్న గ్లోబల్ సమ్మిట్‌కు 2వేల మంది ప్రముఖులు రానున్నారు. రాష్ట్ర లక్ష్యాలు, ప్రణాళికలు వివరించేలా ప్రభుత్వం ‘TG రైజింగ్-2047’ డాక్యుమెంట్‌ను రూపొందించి ఆవిష్కరించనుంది. ఈ నెల 25 నుంచి CM రేవంత్ వివిధ శాఖలతో సమీక్షించి డాక్యుమెంట్‌కు తుది మెరుగులు దిద్దనున్నారు. రాష్ట్ర బ్రాండ్ ఇమేజ్ పెంచడం, భారీగా పెట్టుబడులను ఆకర్షించడం దీని లక్ష్యం.
News November 23, 2025
మూర్ఛ జన్యుపరమైన సమస్య
ఫిట్స్ ఒక దీర్ఘకాలిక రుగ్మత. దాదాపు 70% మూర్ఛ కేసులు జన్యుపరమైన కారణాలతో సంబంధం కలిగి ఉంటాయని వారు పేర్కొంటున్నారు. 2018లో ‘Neuron’ జర్నల్లో ప్రచురితమైన ఒక అధ్యయనం ప్రకారం.. 622 మంది మూర్ఛ రోగుల DNAను అధ్యయనం చేయగా వారిలో మూర్ఛ వ్యాధికి కారణమయ్యే 19 కొత్త జన్యువులను పరిశోధకులు గుర్తించారట. ఈ జన్యు మార్పులు మెదడు కణాల మధ్య సంకర్షణను దెబ్బతీస్తాయని, ఫలితంగా మూర్ఛ వస్తుందని నిపుణులు గుర్తించారు.