News July 12, 2024
చీకటి అధ్యాయంగా ‘ఎమర్జెన్సీ’ గుర్తుండిపోతుంది: మోదీ
కాంగ్రెస్ ‘ఎమర్జెన్సీ’ నిర్ణయాన్ని యావత్ దేశం ఎప్పటికీ చీకటి అధ్యాయంగా గుర్తుంచుకుంటుందని ప్రధాని మోదీ అన్నారు. జూన్ 25ను ‘రాజ్యాంగ హత్యాదివస్’గా కేంద్రం ప్రకటించిన నేపథ్యంలో ఆయన ట్వీట్ చేశారు. ‘ఆనాడు రాజ్యాంగాన్ని కాలరాసి తర్వాత దేశం ఎదుర్కొన్న పరిస్థితులను ఈరోజు గుర్తుకుతెస్తుంది. ఎమర్జెన్సీ కారణంగా నష్టపోయిన ప్రతివ్యక్తికి నివాళులర్పించే రోజు జూన్ 25’ అని ఆయన రాసుకొచ్చారు.
Similar News
News November 30, 2025
యుద్ధం.. 70,100 మంది మృతి
ఇజ్రాయెల్-హమాస్ యుద్ధంతో ఇప్పటివరకు 70,100 మంది పాలస్తీనా ప్రజలు మరణించినట్లు గాజా ఆరోగ్య శాఖ వెల్లడించింది. OCT 10న కాల్పుల విరమణ ఒప్పందం అమల్లోకి వచ్చిన తర్వాత కూడా ఇజ్రాయెల్ దాడుల్లో 352 మంది చనిపోయినట్లు తెలిపింది. 2023 OCT 7న హమాస్ మిలిటెంట్లు ఇజ్రాయెల్‌పై దాడి చేసి 1200 మంది పౌరులను చంపి, 250 మందిని బందీలుగా తీసుకెళ్లారు. అప్పటి నుంచి హమాస్ అంతమే లక్ష్యంగా ఇజ్రాయెల్ యుద్ధం చేస్తోంది.
News November 30, 2025
నవంబర్ 30: చరిత్రలో ఈ రోజు
1915: కన్యాశుల్కం నాటక కర్త గురజాడ అప్పారావు మరణం
1945: ప్రముఖ సింగర్ వాణీ జయరామ్ జననం
1948: ప్రముఖ నటి కె.ఆర్.విజయ జననం
1990: ప్రముఖ చెస్ ప్లేయర్ మాగ్నస్ కార్ల్‌సన్ జననం
1990: సినీ నటి రాశీ ఖన్నా జననం
2012: మాజీ ప్రధాని ఐ.కె.గుజ్రాల్ మరణం
2021: సినీ గేయ రచయిత సిరివెన్నెల సీతారామశాస్త్రి మరణం
News November 30, 2025
లంకలో NDRF సేవలు.. వెల్ డన్
భారత్‌లో ప్రకృతి విపత్తుల వేళ ముందుండి సహాయక చర్యలు చేపట్టే NDRF శ్రీలంకలోనూ తన సేవలు అందిస్తోంది. దిత్వా తుఫాను వల్ల శ్రీలంక అతలాకుతలం కాగా, లోతట్టు ప్రాంతాల ప్రజలు బిక్కుబిక్కుమంటూ గడుపుతున్నారు. భారత్ నుంచి వెళ్లిన NDRF సిబ్బంది వరదల్లో చిక్కుకున్నవారిని రక్షించి బోట్లలో సురక్షిత ప్రాంతాలకు తరలిస్తున్నారు. అటు ఆ దేశానికి ఇప్పటికే భారత్ ఫుడ్, ఎమర్జెన్సీ కిట్లు భారీగా పంపిన విషయం తెలిసిందే.