News November 11, 2024
యుద్ధాన్ని ముగించండి.. పుతిన్కు ట్రంప్ సూచన
అమెరికా అధ్యక్ష ఎన్నికల్లో విజయం తర్వాత డొనాల్డ్ ట్రంప్ రష్యా అధ్యక్షుడు పుతిన్తో మాట్లాడినట్లు ‘రాయిటర్స్’ వెల్లడించింది. ఉక్రెయిన్తో జరుగుతున్న యుద్ధంపై ఇరువురూ చర్చించారని తెలిపింది. వీలైనంత త్వరగా వివాదానికి ముగింపు పలకాలని ట్రంప్ సూచించినట్లు పేర్కొంది. అమెరికా-రష్యా సంబంధాల పునరుద్ధరణకు పిలుపునిచ్చినట్లు రాసుకొచ్చింది. మరోవైపు ఉక్రెయిన్ అధ్యక్షుడు <<14566201>>జెలెన్స్కీతోనూ<<>> ట్రంప్ చర్చించారు.
Similar News
News January 20, 2026
3 నెలల ముందుగానే వచ్చేశాయ్!
TG: సాధారణంగా ఏప్రిల్లో మార్కెట్లోకి వచ్చే మామిడిపండ్లు ఈసారి 3 నెలల ముందుగానే వచ్చేశాయి. హైదరాబాద్ ఎర్రగడ్డ, ఎంజే, గడ్డి అన్నారం తదితర మార్కెట్లలో బంగినపల్లి రకం కేజీ రూ.200 వరకు విక్రయిస్తున్నారు. చప్పగా, పుల్లగా ఉండటంతో మామిడి కొనేందుకు చాలా మంది ఇష్టపడట్లేదని వ్యాపారులు చెబుతున్నారు. హైబ్రిడ్ సాగు విధానాలు, వాతావరణ మార్పులు, అకాల వర్షాలతో మామిడి ముందుగానే వస్తోందని పేర్కొన్నారు.
News January 20, 2026
కొనసాగుతున్న టారిఫ్ల ఎఫెక్ట్.. నష్టాల్లో మార్కెట్లు
ట్రంప్ టారిఫ్ల ప్రభావం స్టాక్ మార్కెట్లపై ఇంకా కొనసాగుతోంది. సెన్సెక్స్ 270 పాయింట్లు నష్టపోయి 82,975 వద్ద కొనసాగుతోంది. నిఫ్టీ 76 పాయింట్లు కుంగి 25,509 వద్ద ట్రేడవుతోంది. సెన్సెక్స్-30 సూచీలో SBI, అల్ట్రాటెక్ సిమెంట్, కోటక్ మహీంద్రా, NTPC షేర్లు లాభాల్లో.. ఎటర్నల్, బజాజ్ ఫైనాన్స్, ఏషియన్ పెయింట్స్, ఇండిగో షేర్లు నష్టాల్లో ఉన్నాయి. డాలరుతో పోలిస్తే రూపాయి మారకం విలువ 90.93 వద్ద ప్రారంభమైంది.
News January 20, 2026
నోబెల్ విజేతను మేం ఎంపిక చేయలేదు: నార్వే PM
8 యుద్ధాలను ఆపినా నోబెల్ బహుమతి దక్కలేదని, ఇక శాంతి గురించి <<18900406>>ఆలోచించనని<<>> నార్వే PMకు ట్రంప్ లేఖ రాయడం తెలిసిందే. ఈ క్రమంలో నోబెల్ విజేతల ఎంపికలో ప్రభుత్వం పాత్ర లేదని నార్వే PM జోనాస్ స్టోయిర్ బదులిచ్చారు. బహుమతిని స్వతంత్ర నోబెల్ కమిటీ ప్రకటించిందని, నార్వే ప్రభుత్వం కాదని ఓ ప్రకటనలో తెలిపారు. గ్రీన్లాండ్ విషయంలో తమపై విధించిన టారిఫ్స్ను వ్యతిరేకిస్తూ ట్రంప్ను కాంటాక్ట్ అయ్యానని చెప్పారు.