News August 9, 2025
EP31: కుటుంబ పెద్ద ఇలా నడుచుకోవాలి: చాణక్య నీతి
కుటుంబం బాగుండాలంటే కుటుంబ పెద్ద కొన్ని సూత్రాలు పాటించాలని చాణక్య నీతి చెబుతోంది. ‘ఇతరుల మాటలకు ప్రభావితం కాకూడదు. పుకార్లను నమ్మకుండా వాస్తవాలను తెలుసుకోవాలి. ఇంటి సభ్యులతో స్పష్టంగా మాట్లాడాలి. డబ్బును వృథా చేయవద్దు. ఇంట్లో వారికి డబ్బు నిర్వహణపై అవగాహన కల్పించాలి. కుటుంబంలో అందరినీ సమానంగా చూడాలి. ఎప్పుడూ క్రమశిక్షణతో ఉండాలి. కుటుంబ సంక్షేమం కోసం సరైన నిర్ణయాలు తీసుకోవాలి’ అని బోధిస్తోంది.
Similar News
News August 9, 2025
ఆ దేశంలో పెళ్లికి ఎవరైనా వెళ్లొచ్చు..!
సాధారణంగా పెళ్లిళ్లకు బంధువులు, స్నేహితులు వెళ్తుంటారు. కానీ ఫ్రాన్స్‌లో మాత్రం ఎవరి పెళ్లికి ఎవరైనా వెళ్లొచ్చు. ఒక్కొక్కరు రూ.10 వేలు చెల్లించి టికెట్ కొని పెళ్లి చూడొచ్చు. పెళ్లిలో డ్రెస్ కోడ్ పాటించాలి. విందు ఆరగించవచ్చు. కొత్త పరిచయాలు చేసుకోవచ్చు. పెళ్లి మనదే అనేలా ఎంజాయ్ చేయొచ్చు. ‘ఇన్విటిన్’ సంస్థ ఈ ట్రెండ్ స్టార్ట్ చేసింది. ఇండియాలోనూ ‘జాయిన్ మై వెడ్డింగ్’ అనే పేరుతో ఈ ట్రెండ్ వచ్చేసింది.
News August 9, 2025
నేడు ఈ జిల్లాల్లో భారీ వర్షాలు
TGలోని NLG, సూర్యాపేట, MHBD, WGL, HNK, HYD, జనగాం, యాదాద్రి, రంగారెడ్డి, MBNR, NGKL, వనపర్తి, గద్వాల్ జిల్లాల్లో ఇవాళ భారీ వర్షాలు కురుస్తాయని HYD వాతావరణ కేంద్రం తెలిపింది. మిగతా జిల్లాల్లో మోస్తరు వర్షాలు పడతాయని అంచనా వేసింది. అటు APలోని ప్రకాశం, నెల్లూరు, కర్నూలు, నంద్యాల, చిత్తూరు, తిరుపతి జిల్లాల్లో మోస్తరు నుంచి భారీ వర్షాలు, మిగతా జిల్లాల్లో మోస్తరు వర్షాలు కురుస్తాయని APSDMA పేర్కొంది.
News August 9, 2025
అన్నదాత సుఖీభవ.. త్వరలో వారి ఖాతాల్లోకి డబ్బులు
AP: వివిధ కారణాలతో ‘అన్నదాత సుఖీభవ’ పథకం కింద సాయం అందని రైతుల నుంచి ప్రభుత్వం దరఖాస్తులు స్వీకరించింది. వ్యవసాయ శాఖ చేపట్టిన గ్రీవెన్స్‌కు ఈ నెల 3 నుంచి 8వ తేదీ వరకు 10,915 దరఖాస్తులు వచ్చాయి. అత్యధికంగా శ్రీకాకుళం జిల్లా నుంచి 1,290 మంది రైతులు అప్లై చేసుకున్నారు. గ్రీవెన్స్‌లో సమస్య పరిష్కారమై, పథకానికి అర్హులైన వారికి త్వరలో నగదు జమ అవుతుందని అధికారులు స్పష్టం చేశారు.