News November 7, 2024
MBBS సీటొచ్చినా.. కూలి పనులకు!
TG: సూర్యాపేట జిల్లాకు చెందిన ఓ యువతికి ఎంబీబీఎస్ సీటొచ్చినా కూలి పనులకు వెళ్తున్నారు. తుంగతుర్తి మండలం వెంపటికి చెందిన శిగ గౌతమి మూడేళ్ల వయసులోనే తల్లిదండ్రులను కోల్పోయారు. నీట్‌లో 507 మార్కులు సాధించి మంచిర్యాల మెడికల్ కాలేజీలో సీటు సంపాదించారు. పుస్తకాలు, దుస్తులు, ఫీజులకు రూ.1,50,000 ఖర్చు అవుతుంది. కానీ అంత డబ్బు తమ దగ్గర లేకపోవడంతో కూలి పనులకు వెళ్తున్నారు. దాతలు ఆదుకోవాలని కోరుతున్నారు.
Similar News
News November 29, 2025
ప్రేమ నుంచి ఉగ్రవాదం వరకూ షహీన్ ప్రయాణం
ఢిల్లీ పేలుడులో కీలక నిందితురాలిగా ఉన్న 46 ఏళ్ల షహీన్ ప్రేమ కథ బయటకు వచ్చింది. ఈమె మొదట రెండు వివాహాలు చేసుకున్నా.. అవి విఫలమయ్యాయి. అనంతరం అల్ ఫలాహ్ యూనివర్సిటీలో తనకు జూనియర్‌ అయిన డాక్టర్ ముజమ్మిల్ షకీల్ పరిచయం అయ్యాడు. 2023 సెప్టెంబర్‌లో ఇద్దరూ పెళ్లి చేసుకున్నారు. ఈ సంబంధం ద్వారానే ఆమె JeM మహిళా విభాగంలో చేరినట్లు తేలింది. షహీన్, ముజమ్మిల్ సహా ముగ్గురు ఢిల్లీ పేలుడు కేసులో అరెస్టయ్యారు.
News November 29, 2025
పిల్లలు మాట వినడం లేదా?
తరాలు మారే కొద్ది జనరేషన్ గ్యాప్ పెరుగుతూ వస్తుంది. దీంతో పిల్లలకు తల్లిదండ్రులకు రోజూ ఏదో ఓ గొడవ. ఇలా కాకుండా ఉండాలంటే.. మీ పిల్లలు ఏ చిన్న మంచి పని చేసినా మెచ్చుకోండి. వారు ఏదైనా తప్పు చేస్తే.. తిట్టకుండా ప్రేమతో అది తప్పని వివరించి చెప్పండి. ఇలా చేస్తే పిల్లలకు మీపై ప్రేమ, గౌరవం పెరుగుతుంది. మళ్ళీ తిరిగి తప్పు చేయరు. పిల్లలను మీరు ఎంత ప్రేమగా చూసుకుంటే, వారు మీ మాటకు అంత గౌరవం ఇస్తారు.
News November 29, 2025
మేడారం జాతరకు జాతీయ హోదా ఇవ్వలేం: కిషన్ రెడ్డి
TG: మేడారం జాతరకు జాతీయ హోదా సాధ్యం కాదని కేంద్ర మంత్రి కిషన్ రెడ్డి స్పష్టం చేశారు. దేశంలో ఏ ఉత్సవానికీ జాతీయ హోదా లేదని తెలిపారు. వరంగల్ పర్యటన సందర్భంగా ఆయన మీడియాతో మాట్లాడారు. ఎప్పటిలాగే కేంద్ర ప్రభుత్వం నుంచి సమ్మక్క-సారక్క జాతరకు నిధులు మంజూరు చేస్తామని, జాతరలో పాల్గొంటామని తెలిపారు. మేడారం జాతరను జాతీయ పండుగగా గుర్తించాలని సీఎం రేవంత్ గతంలో కేంద్రాన్ని కోరిన సంగతి తెలిసిందే.