News June 25, 2024

మాజీ ఎంపీ ఎంవీవీకి హైకోర్టులో చుక్కెదురు

AP: వైసీపీ మాజీ ఎంపీ ఎంవీవీ సత్యనారాయణకు హైకోర్టులో చుక్కెదురైంది. హయగ్రీవ సంస్థకు చెందిన భూముల వ్యవహారంలో తనపై నమోదైన కేసులో అరెస్టు నుంచి రక్షణ కల్పించాలంటూ ఆయన హైకోర్టును ఆశ్రయించారు. ఆయన విజ్ఞప్తిని ధర్మాసనం తోసిపుచ్చింది. కేసు ఎఫ్ఐఆర్ దశలోనే ఉన్నందున మధ్యంతర ఉత్తర్వులు ఇవ్వలేమని తేల్చిచెప్పింది. ముందస్తు బెయిల్‌కు పిటిషన్ పెట్టుకోవాలని సూచించింది. విచారణను 2వారాలకు వాయిదా వేసింది.