News August 29, 2025
విద్యార్థులు, టీచర్లకు ఫేషియ‌ల్ రెక‌గ్నిష‌న్ త‌ప్ప‌నిస‌రి: సీఎం రేవంత్
TG: స్కూళ్లు, కాలేజీల్లో విద్యార్థులు, బోధ‌న సిబ్బందికి ఫేషియ‌ల్ రెక‌గ్నిష‌న్ అటెండెన్స్‌ను త‌ప్ప‌నిస‌రి చేయాల‌ని CM రేవంత్ ఆదేశించారు. ‘మ‌ధ్యాహ్న భోజ‌న బిల్లుల చెల్లింపును గ్రీన్ ఛాన‌ల్‌లో చేప‌ట్టాలి. పాఠ‌శాలల‌్లో క్రీడ‌ల‌కు ప్రాధాన్యమిచ్చి, అవసరమైతే కాంట్రాక్ట్ ప‌ద్ధ‌తిలో PETలను నియమించాలి. బాలిక‌ల‌కు వివిధ అంశాల‌పై కౌన్సెలింగ్ ఇచ్చేందుకు మ‌హిళా కౌన్సిల‌ర్ల‌ను నియ‌మించాల’ని అధికారులకు సూచించారు.
Similar News
News August 29, 2025
డెడ్ ఎకానమీ కాదు ట్రంప్.. గుడ్ ఎకానమీ!
ఇండియాది డెడ్ ఎకానమీ అంటూ హేళనగా మాట్లాడిన ట్రంప్‌కు భారత <<17555786>>GDP<<>> దిమ్మతిరిగే సమాధానం ఇచ్చింది. 2025-26 FYలో Q1లో భారత ఆర్థిక వ్యవస్థ 7.8% వృద్ధిని నమోదు చేసింది. 2025 Q1లో US గ్రోత్ రేటు -0.5. అటు చైనా 5.2% వృద్ధిని సాధించింది. భారత వ్యవసాయ, ఫైనాన్షియల్, రియల్ ఎస్టేట్ రంగాలు రాణించాయి. IND ఎగుమతులపై ఆధారపడిన దేశం కాదని, టారిఫ్స్ విధించినా పెద్దగా నష్టం ఉండదని ఆర్థిక నిపుణులు చెబుతున్నారు.
News August 29, 2025
ఆ వీడియోలో ఉన్నవాళ్లంతా టీడీపీనే: వైసీపీ
AP: నెల్లూరు రూరల్ ఎమ్మెల్యే <<17554192>>కోటంరెడ్డి శ్రీధర్ రెడ్డి<<>> హత్య ప్లాన్‌లో ఉన్నదంతా టీడీపీ కార్యకర్తలేనని వైసీపీ ట్వీట్ చేసింది. వారంతా కోటంరెడ్డి బ్రదర్స్, రూప్ కుమార్ అనుచరులేనని కౌంటరిచ్చింది. ఉద్దేశపూర్వకంగానే కోటంరెడ్డి మర్డర్ ప్లాన్ అంటూ వీడియో క్రియేట్ చేశారని ఆరోపించింది. జగదీశ్, వినీత్, మహేశ్ టీడీపీ కార్యకర్తలేనని నాయకులతో కలిసి దిగిన ఫొటోలను పోస్ట్ చేసింది.
News August 29, 2025
‘AA22’లో కమెడియన్ యోగిబాబు!
ఐకాన్ స్టార్ అల్లు అర్జున్ హీరోగా అట్లీ తెరకెక్కిస్తోన్న ‘AA22’ షూటింగ్ శరవేగంగా సాగుతోంది. ప్రస్తుతం ముంబైలో షూట్ జరుగుతోందని, ఇందులో మృణాల్ & యోగిబాబు కూడా నటిస్తున్నారని సినీవర్గాలు తెలిపాయి. యోగిబాబు రోల్ ఉండటంతో ఫ్యాన్స్ ఖుషీ అవుతున్నారు. ఆయన కామెడీ టైమింగ్ అదిరిపోతుందని అంటున్నారు. అట్లీ-షారుఖ్ కాంబోలో వచ్చిన ‘జవాన్’లోనూ ఈయన కీలక పాత్రలో నటించిన విషయం తెలిసిందే.