News October 15, 2025
ప్రముఖ నటుడు కన్నుమూత
వెటరన్ బాలీవుడ్ యాక్టర్ పంకజ్ ధీర్(68) కన్నుమూశారు. కొంతకాలంగా క్యాన్సర్‌తో పోరాడుతున్న ఆయన నిన్న తుదిశ్వాస విడిచినట్లు సినీ& TV ఆర్టిస్ట్స్ అసోసియేషన్ ఓ ప్రకటనలో తెలిపింది. ఇవాళ సాయంత్రం అంత్యక్రియలు నిర్వహించనున్నట్లు తెలిపింది. 1988-94 మధ్య BR చోప్రా తెరకెక్కించిన ‘మహాభారత్’ టీవీ సీరియల్‌లో కర్ణుడి పాత్రతో పంకజ్ గుర్తింపు పొందారు. పలు బాలీవుడ్ సినిమాలు, టీవీ సీరియళ్లలో ఆయన నటించారు.
Similar News
News October 15, 2025
కల్తీ మద్యం.. ఎక్సైజ్ శాఖ కొత్త నిబంధనలు
AP:* క్యూఆర్ కోడ్ స్కానింగ్ చేశాకే మద్యం అమ్మాలి
* ఎక్సైజ్ సురక్షా యాప్ ద్వారా సీసాపై కోడ్ స్కాన్ చేయాలి
* విక్రయించే మద్యం నాణ్యమైనదని ధ్రువీకరించినట్లు ప్రతి దుకాణం, బార్ల వద్ద ప్రత్యేకంగా బోర్డులు ప్రదర్శించాలి
* ప్రతి దుకాణం, బార్‌లో డైలీ లిక్కర్ వెరిఫికేషన్ రిజిస్టర్ అమలు
* మద్యం దుకాణాల్లో ర్యాండమ్‌గా ఎక్సైజ్ శాఖ తనిఖీలు
* నకిలీ మద్యం గుర్తిస్తే షాపు లైసెన్స్ రద్దు
News October 15, 2025
బ్యూటీపార్లర్ స్ట్రోక్ సిండ్రోమ్ అంటే?
బ్యూటీపార్లర్లలో కస్టమర్ల మెడను వెనక్కు వంచి ఎక్కువసేపు బేసిన్‌పై ఉంచినప్పుడు కొందరిలో మెడ దగ్గరుండే వెర్టిబ్రల్ ఆర్టరీ అనే రక్తనాళం నొక్కుకుపోతుంది. కొన్నిసార్లు దాని గోడల్లోనూ చీలిక వచ్చి రక్తప్రసరణకు ఆటంకం ఏర్పడుతుంది. దీన్నే బ్యూటీపార్లర్ స్ట్రోక్ సిండ్రోమ్ అంటారు. దీనివల్ల తీవ్రమైన తలనొప్పి, తల తిరగడం, చూపు కనిపించకపోవడం, సగం శరీరంలో తిమ్మిర్లు, పక్షవాతం, స్పృహ కోల్పోవడం లాంటి సమస్యలొస్తాయి.
News October 15, 2025
బ్యూటీపార్లర్‌లో ఈ జాగ్రత్తలు తీసుకోండి
బ్యూటీపార్లర్ సిబ్బంది శిక్షణ పొందినవారేనా? బ్యూటీపార్లర్ స్ట్రోక్ సిండ్రోమ్‌పై అవగాహన ఉందా? అనేది ముందుగా తెలుసుకోండి. హెయిర్ వాష్ చేస్తున్నప్పుడు మెడకు సరైన సపోర్టు తీసుకోవాలి. ఓ మెత్తని వస్త్రం పెట్టుకోవడం మంచిది. మెడను ఎక్కువగా వెనక్కి వంచకూడదు. అసౌకర్యంగా అనిపిస్తే వెంటనే ఆపమని చెప్పాలి. అత్యవసరమైతే తప్ప తరుచూ బ్యూటీపార్లర్లకు వెళ్లకపోవడం ఉత్తమం.