News January 5, 2025
సాగు చేస్తున్న భూమికే రైతు భరోసా: భట్టి
TG: సాగు చేస్తున్న భూమికే రైతు భరోసా ఇస్తామని Dy.CM భట్టి విక్రమార్క స్పష్టం చేశారు. ఈనెల 26 నుంచి ఈ పథకాన్ని అమలు చేస్తామన్నారు. వరంగల్(D) మొగిలిచర్ల సభలో ఆయన మాట్లాడారు. ఇంటికో ఉద్యోగం అని చెప్పి గత ప్రభుత్వం మోసం చేసిందని, పదేళ్లపాటు గ్రూప్-1 పరీక్ష నిర్వహించలేదని విమర్శించారు. రూ.2లక్షల లోపు రుణాలన్నీ మాఫీ చేశామని, సాంకేతిక కారణాలతో మాఫీ కాని వారికి త్వరలోనే పూర్తి చేస్తామన్నారు.
Similar News
News January 7, 2025
రెండో బిడ్డకు జన్మనిచ్చిన హీరోయిన్
నటి సనా ఖాన్ పండంటి మగ బిడ్డకు జన్మనిచ్చారు. ఈ విషయాన్ని ఆమె సోషల్ మీడియాలో వెల్లడించారు. ‘సరైన సమయంలో దేవుడు అనుగ్రహిస్తాడు. అది జీవితంలో ఆనందాన్ని నింపుతుంది’ అని రాసుకొచ్చారు. 2020లో ఆమె ముస్లిం మతగురువు అనాస్ సయ్యద్‌ను పెళ్లి చేసుకోగా 2023లో ఓ బాబు జన్మించాడు. సనా ఖాన్ తెలుగులో కత్తి, గగనం, మిస్టర్ నూకయ్య లాంటి చిత్రాల్లో నటించారు. ప్రస్తుతం ఆమె సినిమాలకు దూరంగా ఉంటున్నారు.
News January 7, 2025
భారీ భూకంపం.. 53కి చేరిన మరణాలు
నేపాల్-టిబెట్ సరిహద్దుల్లో సంభవించిన భూకంపంలో మృతుల సంఖ్య పెరుగుతోంది. టిబెట్‌లో ఇప్పటివరకు 53 మంది మరణించినట్లు చైనా ప్రభుత్వ మీడియా వెల్లడించింది. 62 మందికి గాయాలైనట్లు తెలిపింది. 6.8 తీవ్రతతో భూకంపం సంభవించినట్లు పేర్కొంది.
News January 7, 2025
రోహిత్, కోహ్లీ కమ్‌బ్యాక్ చేస్తారు: యువరాజ్
రోహిత్ శర్మ, విరాట్ కోహ్లీ తన కుటుంబం అని భారత మాజీ ఆల్‌రౌండర్ యువరాజ్ సింగ్ అన్నారు. ఆ ఫ్యామిలీకి మద్దతుగా నిలవడం తన బాధ్యత అని చెప్పారు. వారు కచ్చితంగా గట్టి కమ్‌బ్యాక్ ఇస్తారని ఆశాభావం వ్యక్తం చేశారు. ఇటీవల జరిగిన BGTలో రోహిత్, విరాట్ ఫామ్ కోల్పోయి తీవ్ర విమర్శలు ఎదుర్కొన్న విషయం తెలిసిందే. వచ్చే నెల ఇంగ్లండ్‌తో జరగనున్న వన్డే సిరీస్‌లో రాణించేందుకు వీరిద్దరూ సన్నద్ధమవుతున్నారు.