News September 24, 2024
రైతు భరోసా కాదు.. సీఎం కుర్చీకే భరోసా లేదు: కేటీఆర్
TG : హైదరాబాద్‌లో సీఎం రేవంత్ సోదరుడికి ఓ న్యాయం, సామాన్యులకు ఓ న్యాయమా అని బీఆర్ఎస్ వర్కింగ్ ప్రెసిడెంట్ కేటీఆర్ ప్రశ్నించారు. సీఎంకు చిత్తశుద్ధి ఉంటే అందరికీ ఒకటే న్యాయం చేయాలని ఆయన డిమాండ్ చేశారు. ‘త్వరలో 10 చోట్ల ఉప ఎన్నికలు తప్పవు. డ్రామాలతో ఎక్కువ కాలం రాజకీయం నడవదు. మేం నిర్మాణాలు చేస్తే, కాంగ్రెస్ వాటిని కూల్చుతోంది. రైతు భరోసా కాదు.. సీఎం కుర్చీకే భరోసా లేదు’ అని ఆయన సెటైర్లు వేశారు.
Similar News
News November 30, 2025
గెలుపే లక్ష్యంగా కాంగ్రెస్ త్రిముఖ వ్యూహం
TG: పంచాయతీ ఎన్నికల్లో గెలుపే లక్ష్యంగా కాంగ్రెస్ త్రిముఖ వ్యూహంతో రంగంలోకి దిగుతోంది. రాష్ట్రస్థాయిలో CM రేవంత్, PCC చీఫ్ మహేశ్, రెండో స్థాయిలో జిల్లాల ఇన్‌ఛార్జ్ మంత్రులు, మూడో స్థాయిలో DCC అధ్యక్షులు పర్యవేక్షించనున్నారు. జిల్లా నేతలతో నిరంతరం ఆన్‌లైన్ సమావేశాలు నిర్వహిస్తూ అత్యధిక పంచాయతీలు గెలిపించే బాధ్యత ఇన్‌ఛార్జ్ మంత్రులపై ఉండగా DCC కొత్త అధ్యక్షులకు ఈ ఎన్నికలు సవాల్ అనే చెప్పాలి.
News November 30, 2025
సచిన్ రికార్డు బ్రేక్ చేసిన కోహ్లీ
భారత స్టార్ క్రికెటర్ విరాట్ కోహ్లీ అంతర్జాతీయ క్రికెట్‌లో సంచలనం నమోదు చేశారు. దక్షిణాఫ్రికాతో మ్యాచులో శతకంతో ఒక ఫార్మాట్‌లో అత్యధిక సెంచరీలు బాదిన ప్లేయర్‌గా నిలిచారు. వన్డేల్లో కోహ్లీ 52 సెంచరీలు నమోదు చేశారు. టెస్టు ఫార్మాట్‌లో 51 సెంచరీలతో సచిన్ తర్వాతి స్థానంలో ఉన్నారు. కాగా మూడు ఫార్మాట్లలో కలిపి సచిన్ 100 శతకాలు నమోదు చేయగా, కోహ్లీ 83 సెంచరీలు చేశారు.
News November 30, 2025
మానసిక ఆరోగ్యం మెరుగవ్వాలంటే ఇలా చేయండి
నేటి డిజిటల్ యుగంలో పని ఒత్తిళ్లు, అనవసరపు ఆందోళనలతో మానసిక ఆరోగ్యం దెబ్బతింటోంది. ఇలా కాకుండా ఉండాలంటే పాత పుస్తకాలు, ముఖ్యంగా గతంలో మీకు బాగా నచ్చిన కథలు, నవలలు చదవాలని నిపుణులు చెబుతున్నారు. ఇవి ఒత్తిడిని తగ్గించడం, కంఫర్ట్, ఏకాగ్రతను పెంచుతాయి. అందుకే డిజిటల్ స్క్రీన్‌లకు కొంత విరామం ఇచ్చి, ప్రతిరోజూ కనీసం 30 నిమిషాలు మీ పాత, ఇష్టమైన పుస్తకాలను మళ్లీ చదవాలని సూచిస్తున్నారు.