News May 24, 2024
విత్తనాల కొనుగోలులో రైతన్నలు జాగ్రత్త: TG పోలీసులు
TG: విత్తనాల కొనుగోలు విషయంలో రైతన్నలు అప్రమత్తతతో, అవగాహనతో వ్యవహరించాలని రాష్ట్ర పోలీసులు తాజాగా సూచించారు. విత్తనాలను ఒకటికి రెండు సార్లు చెక్ చేసుకున్నాకే కొనాలని పేర్కొన్నారు. నకిలీ విత్తనాలను విక్రయించే వారిని ఉపేక్షించేది లేదని హెచ్చరించారు. ఒకవేళ విత్తనాల విషయంలో ఏదైనా సందేహం వస్తే వెంటనే తమను సంప్రదించాలని ట్విటర్‌లో స్పష్టం చేశారు.
Similar News
News November 29, 2025
జమ్మలమడుగు: RTC ఆధ్వర్యంలో శబరిమలకు.!
జమ్మలమడుగు నుంచి అయ్యప్పస్వామి భక్తుల సౌకర్యార్థం శబరిమలకు స్పెషల్ బస్సులు నడుపుతున్నట్లు ఆర్టీసీ డిపో మేనేజర్ సుబ్బమ్మ తెలిపారు. అయ్యప్పస్వామి భక్తులకు APS-RTC వారు సువర్ణావకాశం కల్పిస్తున్నామన్నారు. ఇంద్ర AC, అల్ట్రాటెక్, సూపర్ లగ్జరీ, ఎక్స్ప్రెస్ బస్సులు బుకింగ్ చేసిన గురు స్వాములకు రూ.2వేలు. కమిషన్‌లో 7 మందికి ఉచిత ప్రయాణ సౌకర్యం ఇస్తామన్నారు. పూర్తి వివరాలకు 9959225778కు కాల్ చేయాలన్నారు.
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.
News November 29, 2025
ట్రంప్ షాక్‌తో భారీగా పడిపోయిన ఎగుమతులు
అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్‌లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్‌టైల్‌ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్‌ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.