News December 28, 2024
నితీశ్ కోసం ప్రభుత్వ ఉద్యోగం వదులుకున్న తండ్రి❤️
ఆస్ట్రేలియాపై నితీశ్ సెంచరీ శ్రమ వెనుక ఆయన తండ్రి ముత్యాల రెడ్డి కష్టం ఎంతో ఉంది. విశాఖలోని కేంద్ర ప్రభుత్వ సంస్థ హిందూస్థాన్ జింక్ లో ఆయన ఉద్యోగం చేసేవారు. ఆ సమయంలోనే ఉదయ్‌పూర్‌కు బదిలీ కాగా నితీశ్ క్రికెటర్ కావాలన్న కల నెరవేరదనే ఆలోచనతో మరో ఐదేళ్ల సర్వీస్ ఉండగానే ఉద్యోగానికి రాజీనామా చేశారు. ఆ తర్వాత వచ్చిన డబ్బులను నితీశ్ కోచింగ్ కు వెచ్చించారు. ఈక్రమంలోనే ఎన్నో ఇబ్బందులు సైతం ఎదుర్కొన్నారు.
Similar News
News January 4, 2025
HMPV.. డేంజర్ లేదన్నారంటే ప్రమాదమే: నెటిజన్ల మీమ్స్
చైనాలో విస్తరిస్తోన్న HMPV ప్రపంచదేశాలను హడలెత్తిస్తోంది. అయితే దాంతో ప్రమాదం లేదని ప్రభుత్వ వర్గాలు చెప్పడంపై నెటిజన్లు సెటైర్లు వేస్తున్నారు. 2020లో కరోనా గురించి కూడా ఇలానే చెప్పారంటూ పోస్టులు చేస్తున్నారు. వాళ్ల ప్రకటన తర్వాత నిజంగా భయమేస్తోందని పలువురు పేర్కొంటున్నారు. 2020, 2025 జనవరి క్యాలెండర్లు ఒకేలా ఉన్నాయంటున్నారు. అప్రమత్తంగా ఉండటమే మంచిదని మరికొందరు అభిప్రాయపడుతున్నారు. మీరేమంటారు?
News January 4, 2025
డీమార్ట్ షేర్లు ర‌య్‌.. ర‌య్‌
Dmartను ఆప‌రేట్ చేసే Avenue Supermarts Ltd షేరు ధ‌ర శుక్ర‌వారం ఒక్క‌రోజులో 11.10% దూసుకెళ్లింది. గ‌త సెప్టెంబ‌ర్ నుంచి Down Trendలో ఉన్న షేరు ధ‌ర Q3 ఫ‌లితాలు ఇన్వెస్టర్లను మెప్పించడంతో ప్రారంభ సెష‌న్‌లో 15% వ‌ర‌కు ఎగ‌సింది. చివరికి 11% మేర రాణించి ₹4,011 వ‌ద్ద స్థిర‌ప‌డింది. అలాగే CLSA బ్రోకరేజ్ ASLకు Outperform రేటింగ్ ఇచ్చి ₹5,360 Target Price సెట్ చేయ‌డం కూడా భారీ కొనుగోళ్ల‌కు కార‌ణ‌మైంది.
News January 4, 2025
ఢిల్లీని కమ్మేసిన మంచు.. 470 విమానాలు ఆలస్యం
దేశ రాజధానిని పొగమంచు దట్టంగా కమ్మేసింది. కొన్ని ప్రాంతాల్లో ఎదుటి వ్యక్తి కనిపించనంత తీవ్రంగా ఉంది. దీంతో ఢిల్లీ ఎయిర్‌పోర్టు నుంచి రాకపోకలు సాగించే 470 విమానాలు ఆలస్యంగా నడుస్తున్నాయని అధికారులు తెలిపారు. పౌరులు బయట తిరిగేందుకు భయపడే స్థాయిలో పొగ కమ్ముకోవడం గమనార్హం. దీంతో రోడ్లు నిర్మానుష్యంగా మారాయి.