News February 6, 2025
బంగ్లా పితామహుడి ఇంటికి నిప్పు
బంగ్లాదేశ్ పితామహుడిగా పేరొందిన షేక్ ముజిబుర్ రెహమాన్ ఇంటిని బంగ్లా ఆందోళనకారులు ధ్వంసం చేశారు. ఇంటిపై దాడి చేసి నిప్పు పెట్టారు. దేశంలోని తమ అవామీ లీగ్ కార్యకర్తలందరూ ఏకమై మహ్మద్ యూనస్ మధ్యంతర సర్కారుపై తిరగబడాలని మాజీ ప్రధాని హసీనా ఆన్లైన్ వీడియోలో పిలుపునిచ్చారు. ఈ నేపథ్యంలోనే ఆమె తండ్రి, బంగబంధు రెహమాన్ భవనాన్ని ఆందోళనకారులు ధ్వంసం చేశారు.
Similar News
News December 5, 2025
దేవరకొండ ఘటనపై సీఐ వివరణ
తిప్పర్తికి చెందిన దుర్గభవాని మనోవేదనకు గురై బుధవారం దేవరకొండ అటవీ శాఖ వాహనంలో బాలుడిని వదిలినట్లు సీఐ వెంకటరెడ్డి తెలిపారు. దుర్గభవాని భర్త సంతోష్ మధ్య వివాదం నెలకొని 3 నెలలు గడుస్తున్నా అత్తవారింటికి తీసుకెళ్లకపోవడంతో మనోవేదనకు గురై తల్లి బాలుడిని ఇక్కడ వదిలినట్లు తెలిపారు. భర్త సంతోష్ని పిలిపించి కౌన్సిలింగ్ ఇవ్వనున్నట్లు సీఐ తెలిపారు. తల్లీబిడ్డని ఎస్ఐ మౌనిక సఖీ కేంద్రానికి తరలించారు.
News December 5, 2025
విమానాల రద్దు.. ఈ విషయాలు తెలుసుకోండి!
3 రోజులుగా ఇండిగో విమాన <<18473431>>సర్వీసులు<<>> రద్దవుతున్న విషయం తెలిసిందే. ఇలాంటి సమయాల్లో ఎయిర్లైన్స్ పాటించాల్సిన బాధ్యతలపై DGCA రూల్స్ జారీ చేసింది. ఆ ప్రకారం.. సర్వీసు రద్దయితే ముందే సమాచారం ఇవ్వాలి. ప్రత్యామ్నాయ విమానంలో ఫ్రీగా వెళ్లే ఏర్పాటు చేయాలి. ప్రయాణికులు కోరుకుంటే రీఫండ్ చేయాలి. 2గంటలకు మించి ఆలస్యమైతే భోజనం, ఫ్రెష్ అయ్యే సౌకర్యం కల్పించాలి. 24 గంటలు దాటితే ఫ్రీగా హోటల్, రవాణా ఏర్పాటు చేయాలి.
News December 5, 2025
పుతిన్కు ‘బాడీ డబుల్స్’ ఉన్నారా?
రష్యా అధ్యక్షుడు పుతిన్ భారత పర్యటన నేపథ్యంలో ఆయన ‘బాడీ డబుల్స్’ గురించి చర్చ జరుగుతోంది. బహిరంగ కార్యక్రమాలు, ప్రయాణాలకు బాడీ డబుల్స్ను ఉపయోగిస్తారని ఊహాగానాలు ఉన్నాయి. పుతిన్కు ముగ్గురు డూప్స్ ఉన్నారని ఉక్రెయిన్ గతంలో చెప్పింది. వారు ‘క్లోన్ ఆర్మీ’ అని మీడియా కథనాలు పేర్కొన్నాయి. అయితే అవన్నీ అవాస్తవాలని, ‘బాడీ డబుల్’ ప్రతిపాదనలను తాను తిరస్కరించానని గతంలో పుతిన్ పలుమార్లు క్లారిటీ ఇచ్చారు.